عمرو أديب يفتح النار على "نظام الطيبات": ده انهيار وعي.. ومش حرية ده خطر على حياة الناس!
شن الإعلامي عمرو أديب هجومًا حادًا على الجدل المثار حول ما يُعرف بـ“نظام الطيبات” المرتبط باسم ضياء العوضي، وذلك خلال برنامجه الحكاية، مؤكدًا أن الأزمة تتجاوز الشخص لتصل إلى ما وصفه بـ“انهيار الوعي المجتمعي”.
اللي بيحصل ده انهيار وعي
قال أديب: «يا جماعة اللي بيحصل ده انهيار وعي.. أي دواء في الدنيا ليه أبحاث وناس متخصصة، إنتو مش عايزين الناس تخف ولا إيه؟»، منتقدًا انتشار المعلومات غير الطبية بين الجمهور.
مش حرية.. ده خطر
وأضاف: «اللي بيجنني إن في ناس تقولك كل واحد حر.. يعني أشوف واحد ماشي بمدفع رشاش في الشارع وأسكت وأقول هو حر؟»، في إشارة إلى خطورة بعض الأفكار المنتشرة.
انتقاد شديد لفكرة إيقاف العلاج
وتابع: «اللي ماسك مدفع ممكن يقتل 10، لكن اللي بيتم تداوله أخطر لأنه بيأثر على ناس بتسيب علاج السكر والضغط والكيماوي»، مؤكدًا أن هذا النوع من التوجيهات قد يؤدي لمخاطر صحية جسيمة.
واختتم حديثه بالتأكيد على ضرورة الاعتماد على الطب المتخصص والدراسات العلمية، محذرًا من الانسياق وراء أي محتوى غير موثوق قد يهدد حياة المرضى.
