ياسمين عز عن أزمة أمير عيد: “مش بدافع عنه.. بس ليه نحاصر الفنان في العزا؟”
علقت الإعلامية ياسمين عز على الجدل المثار حول موقف المطرب أمير عيد خلال عزاء والد طليقته الفنانة ليلى فاروق، وذلك خلال حلقة من برنامج كلام الناس المذاع عبر قناة MBC مصر.
انتقاد لسلوك بعض المتواجدين
قالت ياسمين عز: «الصحفيين بتوعنا المحترمين عارفين إيه يتعمل وإيه ميتعملش، لكن في ناس بيقولوا إنهم صحفيين وهم مش صحفيين أصلًا، وهنا الفنان في لحظة بيتحول لشخص ممكن يصدر منه حاجة مجتمعيًا مش لائقة، لأنه في الأول وفي الآخر إنسان».
“مش بدافع عنه.. لكن ليه بنحاصره؟”
وأضافت: «أنا مش بدافع عنه ولا ببررله هو عمل إيه، لكن إحنا ليه بنشوف الفنان رسمة؟ وبعدين أصلًا ليه الناس اللي بتصور تروح على عزاء والد طليقته؟».
مشاهد من الواقعة تثير الجدل
وتابعت: «أنا مش بدافع، لكن ما قبل ذلك عملوا إيه؟ هتلاقي واحد دخل موبايل في بقه، وواحد خبطه، وواحد تاني أداله كتف زي كتف أحمد سيد زيزو في ماتش الأهلي».
واختتمت حديثها قائلة: «معنديش تعليق علشان هيبقى عذر أقبح من ذنب وهيقول إني بدافع، لكن هو رايح يؤدي واجب، أنا معرفش مين المسؤول، لكن لازم نحط حد للموضوع ده».
