ياسمين عز تهاجم أسعار البطيخ: “بقى بـ300 جنيه.. واللي مش عاجبه ياكل كنتالوب!”
أعربت الإعلامية ياسمين عز عن دهشتها من أسعار البطيخ، وذلك خلال حلقة من برنامج كلام الناس المذاع عبر قناة MBC مصر.
صدمة من الأسعار الحالية
قالت ياسمين عز: «فجأة كده البطيخة بقت بـ300 جنيه؟! أنا فاكرة زمان كانت بـ5 جنيه، ومش فاكرة سنة كام بالظبط، ولو غليت جامد كانت بتوصل 7 جنيه ونص، وأعلى مكان كان 15، وده قبل ما أتولد، وإحنا مش عارفين بسبب إيه».
تعليق ساخر على التصريحات الرسمية
وأضافت، في سياق حديثها: «وطلع نائب رئيس شعبة الخضراوات والفاكهة قال اللي مش عاجبه ياكل كنتالوب أو موز، الله عليك يا أستاذنا، مش عارفة من غيرك كنا هنعمل إيه! طب الناس اللي بتحب البطيخ نعمل إيه؟».
وفي وقت سابق، قدمت ياسمين عز تهنئتها إلى نادي نادي الزمالك عقب فوزه على فريق شباب بلوزداد في نصف نهائي بطولة كأس الكونفيدرالية الإفريقية، وذلك خلال أول تعليق لها بعد الجدل الذي أُثير حول حلقتها السابقة.
رسالة ودّ واحترام للنادي
وخلال برنامج «كلام الناس» على قناة MBC مصر، قالت إنها تبارك من القلب للزمالك، مؤكدة أن النادي يمتلك تاريخًا كبيرًا وقيمة رياضية كبيرة على مستوى القارة الإفريقية.
