ياسمين عز تهاجم مشروع قانون “إخفاء الزواج الثاني”: «هتحبسوا الراجل عشان اتجوز؟!»
أثارت الإعلامية ياسمين عز جدلًا واسعًا بعد تعليقها على مقترح قانوني يتعلق بعقوبة عدم إبلاغ الزوجة الأولى بالزواج الثاني، وذلك خلال برنامج «كلام الناس» على قناة MBC مصر.
انتقاد العقوبات المقترحة
قالت: «ده كلام يا جماعه يعني نزعل كده الناس مننا يعني الراجل لو راح اتجوز ومقالش ويتحبس ويدفع ولو طلق ومدفعش النفقة يتحرم من السفر ويتحط على قوائم ترقب الوصول».
مقارنة مثيرة للجدل
وأضافت: «إنتي لو متجوزة رئيس عصابه مش هنعمل فيه كده ده واحد اتجوز وطلق هو مش تاجر سلاح بنندم الراجل ليه إنه يتجوز أكثر ماهو ندمان وبعدين اي يا مدام يرضيكي تحبسي جوزك وتدفعيه 30 ألف جنيه عشان أتجوز من غير ما يقولك أنا عارفة أنه يرضيكي».
لا يفوتك
تساؤلات حول أسباب الغضب
وأوضحت: «هو اي اللي مضايقك بالظبط يا مدام أنه اتجوز عليكي واحده تانيه ولا إنه اتجوز من غير مايقولك لأنه تفرق وبعدين مش يمكن نسي جلا من لا يسهو ياستي والإنسان بطبعه نساي».
