ياسمين عز تهاجم "الكراكيب": ليه كل حاجة بتدخل بيتكم مابتطلعش يا شيماء؟ ده اكتناز قهري!
أثارت الإعلامية ياسمين عز حالة واسعة من الجدل بعد حديثها عن عادات التخزين داخل المنازل، وذلك خلال برنامج «كلام الناس» المذاع على قناة MBC مصر، حيث انتقدت ما وصفته بظاهرة “التكنيز” المنتشرة في بعض البيوت.
انتقاد مباشر لعادات التخزين
قالت: «ليه كل حاجة بتدخل بيتكم مابتطلعش يا شيماء .. ايه كل الكراكيب دي؟ وليه برطمانات الجبنة البريزيدون بتشربي فيها شاي.. ده مرض الاكتناز القهري.. جوزك بس اللي تكنزيه حط دي كمان».
تفاصيل من الواقع اليومي
وأضافت: «ليه اي حاجه بتدخل بيتك مش بتطلع علب النسكافيه ليه علب الجبنه بتتغسل وتشربي فيها شاي وليه بتشربي الضيوف فيها عملولك ايه».
مظاهر “التكنيز” داخل البيوت
وتابعت: «ليه الشنط واخده مكان ومقومها بدل ما تقومي مشاعر ..ليه تحت المرتبه في تحتها حاجات ليه ياحبيبتي».
أمثلة إضافية على التخزين
واستكملت: «علب الجبنه البلاستيك بتحتفظي بيها ليه وعلب الهدايا اللي بتجيلك بتحتفظي بيها ليه هي وشنط الهدايا وبرطمان البروتين بتاع الجيم ليه بتحتفظي بيها ليه بعد ما تخلص».
وأوضحت: «انتي مريضه يشمياء عماله تخزني في الحاجات وانتي مش عارفه هتعمبلي بيها ايه بطلي تكنزي يا شمياء اللي اوله تكنزيه هو جوزك».
واختتمت حديثها قائلة: «ليه محتفظه بببطرمان النوتيلا وتحطي فيه التوابل ليه انتي مريضه يشيماء خلي الطاقه الحلوه تدخل بيتك ..بطلي تكنزي».
