رخصة الزواج تثير الجدل.. آراء متباينة بين التأييد والرفض

أثير خلال الفترة القليلة الماضية جدل واسع على مواقع التواصل الاجتماعي حول مقترح "رخصة الزواج" للمقبلين على الزواج، حيث انقسمت آراء الجمهور بين مؤيد ومعارض لهذا الطرح.

ورأى البعض أن المقترح غير منطقي، بينما اعتبره آخرون فكرة مقنعة يمكن أن تساهم في تقليل نسب الطلاق والحفاظ على استقرار الأسرة.

هبة الأباصيري: التأهيل قبل الزواج يقلل الطلاق

وفي هذا السياق، علقت الإعلامية هبة الأباصيري خلال برنامج الستات ما يعرفوش يكذبوا المذاع عبر شاشة CBC، قائلة إن التأهيل النفسي والتدريب قبل الزواج، وفكرة رخصة الجواز التي تقوم على حضور الطرفين محاضرات لفهم طبيعة الحياة الزوجية والحقوق والواجبات، من شأنها أن تقلل بشكل كبير من نسب الطلاق والخلافات، وتساعدهم على التعامل مع صعوبات الحياة بشكل يحافظ على الأسرة.
 

ياسمين عز ترفض الفكرة وتسخر منها

وفي سياق آخر، علقت الإعلامية ياسمين عز على نفس المقترح خلال برنامج كلام الناس المذاع عبر شاشة MBC مصر، قائلة: «حد اقترح إن الشباب لازم ياخدوا رخصة للجواز قبل ما يتجوزوا، طب والبنات تعمل إيه بقى تخش بطولها من غير رخصة».

وأضافت: «طب إيه يعني عايزين الراجل يبقى بيعرف يعمل إيه، دي رخصة لإيه يعني، ما هو يعرف كل حاجة وعنده فكرة عن كل حاجة، أنا همتحنه في إيه أقول له دوق الرز شايط ولا لا».

لا يفوتك

ياسمين عز تهاجم فكرة “رخصة الجواز”: «هنمتحن الراجل في إيه؟!»

وتابعت: «كلام أنا مش حباه خالص، الشاب المصري عندنا جاهز من مجاميع وهو بنفسه رخصة ومش محتاج ياخد رخصة، ده هو يقعد ويعمل امتحان ويدي للناس رخصة، وأنا مش قابلة الكلام ده وهنعمل نفسنا مسمعناش الكلام ده يا إما نعمل مساواة».

وواصلت: «طب ما نشوف البنت بتعرف تحشي المحشي إزاي ولو جوزها زعل منها هتعمل إيه ونديها اختيارات ونوقعها، ولا هو الراجل بس، ياريت محدش يتكلم في الموضوع ده تاني يا جماعة الكلام مش عاجبني».

انقسام مستمر حول المقترح

ويستمر الجدل حول هذا المقترح في ظل تباين الآراء بين من يراه خطوة مفيدة لتنظيم الحياة الزوجية، ومن يرفضه باعتباره غير مناسب للواقع.