علاء مرسي يكشف سر اختفائه عن الساحة الفنية: بسبب أخطائي
كشف الفنان علاء مرسي عن السبب الرئيسي وراء اختفائه لفترة عن الساحة الفنية، مؤكدًا أن حالة الركود التي شهدتها مسيرته كان هو السبب الأول فيها.
وأوضح علاء مرسي، خلال استضافته في برنامج «الستات» المذاع عبر شاشة النهار مع الإعلامية سهير جودة، أن الأمر يعود إلى اختياراته الخاطئة، إلى جانب التوقيتات غير المناسبة التي قدم فيها بعض أدواره.
وأضاف: «أنا السبب الرئيسي في الركود ده بسبب الاختيارات الخاطئة والتوقيتات الخاطئة، لكن أكيد مكنش ده بقصد، ده كان نتيجة عدم فهم وخبرة بفكرة إزاي أدير الموهبة دي، وحتى دلوقتي لسه مفتقد ده، وبشوف نفسي لسه هاوي فن».
وتابع: «أنا لحد النهارده بشتغل بروح الهواية، وبدور على حاجة تسعدني وتسعد الجمهور، لكن مهم جدًا يبقى في إدارة للموهبة دي لما تبقى محترف، وهنا بيتدخل العقل بحسابات تانية ملهاش علاقة بالموهبة، وده أنا مكنتش فاهمه، ولحد دلوقتي بتعلمه طبعًا».
وأكد أن الاعتماد على الموهبة فقط قد يكون نوعًا من قلة الخبرة، لأن الموهوب أحيانًا قد ينجرف وراء إحساسه الفني دون حسابات مهنية دقيقة، وهو ما قد ينعكس على مسيرته بشكل سلبي.
