عماد رشاد: "محمد إمام بيوقف التصوير علشان زملائه.. والكِينج تجربة مختلفة تمامًا"
أعرب الفنان عماد رشاد عن سعادته الكبيرة بالمشاركة في مسلسل “الكينج” مع النجم محمد عادل إمام، والمقرر عرضه خلال موسم رمضان 2026.
وأوضح رشاد، خلال مداخلة هاتفية له في برنامج “إحنا لبعض” مع الإعلامية نهال طايل، المذاع عبر شاشة “صدى البلد”، أنه كان معجبًا للغاية بدوره في المسلسل، خاصة أنه مختلف تمامًا عن الأدوار التي قدمها من قبل.
وأشاد بالفنان محمد إمام، قائلًا:
“محمد إمام جميل جدًا، وممكن يوقف التصوير علشان يعدل لحد معاه حاجة في هدومه مثلًا، وبيهتم جدًا بالناس اللي معاه في التصوير، وبيعمل حالة من الحب والقرب بين فريق العمل، وده فكرني جدًا بالفنان الكبير عادل إمام”.
وفي وقت سابق، أثار ظهور الفنان عماد رشاد كضيف شرف في مسلسل “كارثة طبيعية” اهتمام الجمهور، خاصة بعد تحقيق العمل انتشارًا واسعًا منذ بداية عرضه، ليبدأ التساؤل حول سبب موافقته على الظهور في العمل.
و تحدث الفنان عماد رشاد في تصريح لـ”وشوشة” قائلًا: “كل الحكاية إن سلام صديق وزميل، واشتغلنا مع بعض فترة طويلة فيها سفر في مسلسل ”لالا لاند"، وقربنا من بعض جدًا".
وتابع عماد رشاد قائلاً: "ولما فنان كبير ومحترم ومحبوب زي محمد سلام يطلب مني أظهر ضيف شرف لو يوم أو مشهدين تلاتة ده شيء يسعدني جدًا".
وأضاف عماد رشاد قائلا: "الإنتاج كلمني في البداية، وكنت متردد شوية وقلت لهم هفكر، لكن أول ما جاتني مكالمة من سلام نفسه وشوفت اسمه على التليفون قلت: خلاص أنا هشتغل المسلسل ده قلت له: يا سلام متكملش، أنا معاك".
