رامي إمام يشيد بموهبة المخرجة الشابة مايا أشرف زكي قبل رمضان 2026
أشاد المخرج رامي إمام بموهبة المخرجة الشابة مايا أشرف زكي، ابنة نقيب الممثلين أشرف زكي، معبرًا عن فخره بها خلال أولى تجاربها الإخراجية في مسلسل حد أقصى، المقرر عرضه في الموسم الرمضاني المقبل 2026، والذي تشارك في بطولته والدتها الفنانة روجينا.
وكتب رامي إمام عبر حسابه على موقع "إنستجرام": "النهارده بكتب كابشن مش متعود أكتبه… ومليان مشاعر مش عارف أوصفها .. يمكن لان أول مرة هقول بإحساس غريب كده إن في حد طالع من "مدرستي" وأنه من "تلامذتي" وأنا اللي لسة بتعلم لحد دلوقتي .. البنت دي أنا حضرت وشوفت رحلتها خطوة خطوة. إحساس صعب كبير".
رحلة مايا أشرف زكي في عالم الإخراج
وأضاف رامي إمام":"من 13 سنة، مايا زكي كان عندها 17 سنة (طبعاً هي هتخنقني علشان قولت سنها) كانت لسه طالبة في أولى معهد سينما قسم إخراج ابوها أشرف زكي حبيب قلبي، سلّمها لي وقال لي: “دي بنتك… من فضلك بهدلها معاك” ومن اللحظة دي، شفت بنت صغيرة جدًا جدًا وهي بتكبر قدامي في المجال".
وتابع رامي إمام: "بدأت معايا مساعدة صغيرة، واتعلمت، واجتهدت، وأترقب… من مساعدة لمساعدة أولي وشالتني كتير لحد ما النهارده بقت مخرجة في اول عمل ليها السنة دي، في رمضان 2026 إن شاء الله ، ومع مين .. مع أمها، حبيبتي الغالية روجينا.. أيوة هي من عيلة فنية كبيرة رحلة كاملة شفتها بعيني، بكل تعبها و بكل لحظة قوة و ضعف".
وأضاف المخرج رامي إمام: "الفخر اللي حاسس بيه مش عادي… مش بس لأنها وصلت، لكنها تستحق المكان اللي هي فيه بحبك وبشجعك من قلبي، و واثق في اللي جاي أكتر من أي وقت فات".
تفاصيل مسلسل حد أقصى
مسلسل حد أقصى من المقرر أن يكون أحد الأعمال البارزة في دراما رمضان 2026، ويأتي بمشاركة نخبة من النجوم، بينما تتناول أحداثه قصة اجتماعية تجمع بين شخصية روجينا و ابنتها، ما يعكس تميز مايا أشرف زكي في إدارة العمل الفني و إخراجها لممثلين على أعلى مستوى من الاحترافية.