هنادي مهنا تكشف كواليس تقدم أحمد خالد صالح لخطبتها
كشفت النجمة هنادي مهنا عن كواليس موقف تقدم النجم أحمد خالد صالح لخطبتها من والدها، الموسيقار الكبير هاني مهنا، وخلال السطور التالية ينقل لكم موقع وشوشة أبرز تصريحاته خلال استضافتها في برنامج "ضيفي" مع الإعلامي الكبير معتز الدمرداش.
هاني مهنا واستقبال مميز لأحمد خالد صالح
قالت النجمة هنادي مهنا:"بابا شخص لذيذ قوي، وكان بيتعامل مع أحمد كويس جدًا، وقال كل الكلام المعروف بتاع: إحنا بنشتري راجل والحاجات دي بس فعلاً بابا لذيذ".
مفاجأة غير متوقعة من والدها “لا يشبه عريس من جهه أمنية”
وتابعت هنادي حديثها قائلة:"وبجد أنا اتفاجئت؛ لأن أنا كنت متخيلة إن بابا هيبقى أصعب من كده، بس هو حط له شروط ما كانتش أسهل حاجة، لكنها في نفس الوقت ما كانتش بالصعوبة اللي أنا كنت متخيلاها.
أنا ما أعرفش ليه كنت متخيلة إن أنا هعيش فيلم عريس من جهة أمنية قوي".
علاقة تحولت إلى صداقة وطقوس خاصة بين الأب وزوج إبنته
واختتمت النجمة هنادي مهنا حديثها قائلة:"بس بالعكس، بابا كان لذيذ جدًا، ومع الوقت هو حب أحمد، وبقى عندهم طقوس كده مع بعض، أحمد بيحب يقعد معاهم حتى لو أنا مش موجودة، ويتغدوا مع بعض، وبابا بقى بيستنى أحمد عشان يتغدوا سوا، يعني بقى بيتعامل معاه على إنه ابنه، مش جوز بنته وأنا سعيدة جدًا جدًا بعلاقتهم وقربهم لبعض".