أحمد موسى: محمد صلاح أسطورة لا تتكرر.. وجماهير ليفربول تغني باسمه

قال الإعلامي أحمد موسى إن جماهير نادي ليفربول تهتف وتغني باسم الأسطورة محمد صلاح، مؤكدًا أن النجم المصري يواصل كتابة التاريخ في الدوري الإنجليزي الممتاز.

وخلال السطور التالية، يرصد لكم موقع “وشوشة” أبرز تصريحات أحمد موسى خلال تقديمه برنامج "على مسؤوليتي"، المذاع عبر قناة “صدى البلد”.

"الأسطورة محمد صلاح يكتب التاريخ"

قال أحمد موسى: "الأسطورة محمد صلاح يكتب التاريخ في الدوري الإنجليزي، ومفيش نجم ولا أسطورة هيبقى زي صلاح".

وأضاف: "اللي عمله صلاح النهاردة، ده بجد حاجة كبيرة جدًا، إحنا كنا زعلانين على صلاح، علشان هو أيقونة حقيقية، وصاحب لمسة بارعة، وموهبة استثنائية".

"صلاح لا يقارن بأي لاعب"

وتابع موسى حديثه قائلًا: "مفيش نجم ولا أسطورة هيبقى زي محمد صلاح قدامنا في الـ 15 أو 20 سنة الجايين".

وأوضح: "ومفيش لا في الأهلي ولا في الزمالك، مع كامل الاحترام لكل اللاعبين في الناديين، حد يقدر يعمل اللي عمله صلاح أو يوصل للي وصله".

"ما ينقص صلاح بطولة أمم إفريقيا"

وأضاف الإعلامي أحمد موسى: "اللي ناقص محمد صلاح النهاردة هو إن منتخب مصر يحصل على كأس الأمم الإفريقية".

وتابع: "إحنا رحنا كأس العالم 2018، وكمان 2026، وده إنجاز كبير، عندك 120 مليون مصري بيطالبوك بالبطولة، ومعاك كابتن إبراهيم حسن، وكابتن حسام حسن، وكل المنتخبات قوية جدًا".

"صلاح أوصلنا لكأس العالم.. وننتظر التتويج الإفريقي"

وقال موسى: "محمد صلاح وصلنا مرتين لكأس العالم، ودلوقتي إحنا بنطالب صلاح وكل المجموعة بالفوز بكأس الأمم الإفريقية".

وأضاف: "صلاح ناقصه بطولة إفريقيا، و120 مليون مصري بيطلبوا منك الكأس، إحنا عارفين إن البطولة مش سهلة، لكن بيثقوا فيك، وعايزينك توصلهم للنهاية".

"جماهير مصر هتساندك بقوة"

وأشار أحمد موسى إلى الدعم الجماهيري الكبير قائلًا: "شوف الجماهير اللي هتيجي لك من مصر هتبقى عاملة إزاي، دعم غير طبيعي وثقة كبيرة في صلاح وقدرته على قيادة المنتخب".

"صلاح كان رايق ومبسوط في مباراة برايتون"

واختتم أحمد موسى حديثه قائلًا: "محمد صلاح النهارده كان رايق ومبسوط وهو بيلعب في مباراة ليفربول وبرايتون، واللي كانت من أكتر المباريات مشاهدة، في ترقب كبير لمشاركة الفرعون المصري".