عمرو مصطفى يدعم تامر حسني: ألف سلامة عليك يا نجم الجيل

وجه الملحن عمرو مصطفى رسالة للنجم تامر حسني متمنيًا له الشفاء العاجل، كما أعرب عن سعادته بتكريمه في مهرجان "ميما ميوزك أوورد"

تصريحاته خلال حضوره مهرجان ميما ميوزك أوورد

وخلال السطور التالية ينقل لكم موقع "وشوشة" أبرز تصريحاته لبرنامج "وان تيك" على هامش حضوره مهرجان ميما ميوزك أوورد.

أعرب الملحن عمرو مصطفى عن سعادته الكبيرة بحضور فعاليات المهرجان وتكريمه ضمن فعالياتها.

إهداء التكريم لأسرته وأصدقائه

وفي سياق متصل، أهدى الملحن عمرو مصطفى هذا التكريم إلى زوجته وأصدقائه، وقال: "أنا بهدي التكريم ده لكل الناس اللي وقفت معايا الفترة اللي فاتت، ولزوجتي العزيزة نرمين، وكل أصدقائي الفنانين اللي اشتغلت معاهم، وعلى رأسهم الهضبة عمرو دياب، وبشكر ربنا طبعًا على التكريم ده."

عام 2025… عام النجاح الفني

وأعرب الفنان عمرو مصطفى عن سعادته بعام 2025، مؤكدًا أنها كانت سنة فنية رائعة بالنسبة له.

شكر خاص لشباب تعاون معهم في أحد التراكات

ووجه الملحن عمرو مصطفى الشكر لشركة ريد بول، ولمعتز ماضي و زياد ظاظا على أحد التراكات الموسيقية التي شاركهم فيها ونالت إعجاب الجمهور بشكل كبير، وقال:"التراك ده ناجح علشان انتوا اشتغلتوا فيه بحب.
فعلًا اللي بيشتغل بحب وبيبقى حابب الحاجة اللي بيقدمها للجمهور بينجح، وأنتم شباب موهوبين جدًا."

رأيه في الذكاء الاصطناعي

وفي سياق حديثه، تطرّق الملحن عمرو مصطفى إلى الذكاء الاصطناعي، وقال:"الـ AI هو ده مساعدة بتساعد الناس، لكن عمره ما هيستبدلهم."

رسالة دعم قوية لتامر حسني

واختتم الملحن عمرو مصطفى حديثه بتوجيه رسالة دعم للنجم تامر حسني بعد تدهور حالته الصحية خلال الفترة الماضية، وقال:"ربنا يقومه بالسلامة ويرجعه لجمهوره ويسعد الجمهور… ألف سلامة عليك يا تامر. معلش، كل فنان بيبقى له فترة تعب، وهيرجع أقوى من الأول."