سامي الشيخ يكشف كواليس مشاركته في American Sniper ورحلته إلى هوليوود
تحدث الفنان العالمي الشاب سامي الشيخ عن مشاركته في فيلم American Sniper في دور مهم.
وخلال السطور التالية ينقل لكم موقع "وشوشة" أبرز تصريحاته خلال استضافته في بودكاست "شقة التعاون" مع الفنان حسام داغر.
وقال:"أنا بالنسبة لي مشاركتي في الفيلم ده عادي، لأن دي طبيعة الشغل، من وقت ما بدأت، وأنا بشتغل، وكل مرة باخد دور أعلى من اللي قبله."
بدايته في الأعمال العالمية
وفي إطار حديثه عن المشاركة في أفلام عالمية، كشف الفنان الشاب سامي الشيخ عن كواليس أول أعماله في هوليوود.
وقال:"كان بعد مشاركتي في مسلسل اسمه Homeland.
والمسلسل ده كان جميل جدًا، وكان في ناس كتير نفسها تشارك فيه، ومسلسل ناجح جدًا.
بعدها الناس بقت توقفني في الشارع وعايزة تتصور معايا."
لمشاهدة الفيديو أضغط هنا
تجربة الشهرة داخل وخارج مصر
وأكد الشيخ أن شعور الشهرة شيء جميل ورائع، مضيفًا: "كان شعور جميل جدًا، لأن كمان الناس هناك مش بتضايقك، ولا هنا كمان بيضايقوك، لكن أقصد إن هناك الناس بتتصور أثناء عرض المسلسل أو الفيلم ده لما بيحصل صدى، والناس كلها بتبقى بتتابعه. لكن بيخلص، وبييجي عمل تاني برضه بيعمل صدى، والناس كلها بتشوفه، فمش مركزين بقى… بيكونوا مركزين مع أبطال العمل الجديد."
ويعد الفنان الشاب سامي الشيخ أحد أهم النجوم المصريين الشباب الذين شاركوا في أعمال عالمية مثل: American sniper, home land.
وأيضاً شارك في أحد أهم المسلسلات المصرية الذي تم عرضه خلال موسم رمضان 2025، وهو مسلسل الحشاشين بجانب الفنان كريم عبد العزيز والمخرج الكبير بيتر ميمي.