هنادي مهنا: مش بشوف التعليقات.. واللبس بيعتمد على حالتي النفسية

كشفت الفنانة هنادي مهنا عن طريقتها في التعامل مع التعليقات السلبية التي تواجهها على مواقع التواصل الاجتماعي
وخلال السطور التالية ينقل لكم موقع وشوشة أبرز تصريحاتها خلال إستضافتها مع الإعلامية شيرين حمدي في برنامج "style talk"المذاع عبر شاشة "on"، وذلك على هامش حضورها فعاليات الدورة الثامنة من مهرجان الجونة السينمائي الدولي.

هنادي مهنا: لا أتابع التعليقات السلبية

قالت الفنانة هنادي مهنا إن التفكير في ردود أفعال الناس وآرائهم حول ظهور الفنان أو ملابسه أمر يسبب القلق والتوتر، موضحة:"هو شيء بيوتر جداً، لكن أنا مابستناش أشوف التعليقات اللي على السوشيال ميديا، يعني أنا ولا مرة هتلاقيني دخلت أشوف التعليقات اللي مكتوبة على صورتي، لأن خلاص أنا بقيت عارفة إن الناس بتتكلم."

وأضافت:"إلا لو في تعليقات بتضحك جدًا، حد من صحابي بيقولي عليها، فاتفرج واضحك عادي. بس اللي مبسوطة منه إن ده بيوصل لي، لكن مش أنا اللي بدخل أدور."

وأكدت هنادي أنها من المستحيل أن ترد على أحد المتابعين إذا كتب لها تعليق سخيف، مشيرة إلى أنها تفضل تجاهل السلبية والتركيز على الإيجابيات فقط.

العلاقة بين الثقة بالنفس وإختيار الملابس

وفي سياق متصل، تحدثت الفنانة هنادي مهنا عن رأيها في العلاقة بين ثقة الفنان بنفسه واختياره لملابسه، قائلة:"أوقات ممكن يكون الشخص واثق في نفسه، فهيطلع لبسه حلو، وده بيعتمد على إننا بني آدمين، وأكيد بيجي علينا وقت بنكون مش قادرين نختار أو نركز، أو مش في مود كويس."

وأضافت:"الإنسان لما تكون مشاعره حلوة، بيبقى حاسس إنه عايز يلبس لبس حلو، وأوقات تانية ممكن يكون مجهد أو تعبان، فمحتاج يلبس حاجة مريحة، أنا بشوف إن الموضوع بيفرق حسب المرحلة اللي الإنسان فيها، ونفسيته وقتها."

"لو قابلت نفسي هقولها ما تغلطيش تاني"

واختتمت هنادي مهنا حديثها قائلة:"لو شفت نفسي دلوقتي، هديها نصايح علشان ما أغلطش في اختيارات اللبس اللي غلطت فيها، ساعات بتكون حالتي المزاجية مخليني مش فارق معايا، وبرجع أندم بعدين."
وأضافت:"ساعات بختار لبس حلو بس مش لايق على شكل شعري، وساعات شعري بيكون عاجبني بس لبسي لا، ولو قابلت نفسي، هقولها على الحاجات اللي مش مظبوطة علشان ماأغلطش فيها تاني."