ياسمين عز تشعل الجدل بحديثها عن “البروتين”.. تفاصيل
أثارت الإعلامية ياسمين عز الجدل خلال حلقة جديدة من برنامجها "كلام الناس" المذاع عبر قناة MBC مصر، بعد حديثها الصريح عن مشكلة تقصف الشعر لدى السيدات، مؤكدة أن الحل الوحيد هو قص الأطراف التالفة، وليس اللجوء للبروتين أو الزيوت.
لا فازلين ولا بروتين ينفع!
وقالت عز خلال حديثها: "لما تعملي شعرك ديل حصان أو ضفيرة وتلاقي آخره عامل زي ديل الفار أو الريشة اللي كنا بنكتب بيها زمان، ده تقصيف، ومفيش بروتين ولا فازلين هيعالج ده.. الحل القص وبس."
الفرق بين الهيشان والتقصف
وأكدت ياسمين عز أن كثيرًا من السيدات يخلطن بين الهيشان والتقصف، موضحة أن كل حالة لها سببها وحلها المختلف، وقالت: "اللي طالعة زي ديل الكتكوت دي مش هيشان.. ده تقصيف، ومفيش علاج غير المقص."
وفي وقت سابق ، عادت الإعلامية ياسمين عز مرة أخرى لإثارة الجدل بتصريحاتها الأخيرة، بعد أن تناولت حديثًا ساخرًا عن الأجواء الفرعونية، قالت فيه: "بمناسبة الأجواء الفرعونية اللي إحنا فيها دي قومي حنطي جوزك يا مدام، مفيش أنسب من كده أجواء علشان تحنطي حتة الآثار اللي معاكي".
وخلال حديثها في برنامجها "كلام الناس"، المُذاع عبر قناة MBC، تابعت ياسمين عز بأسلوبها الساخر، قائلة إن الزوج هو "حتة آثار يونيك" ويجب الحفاظ عليه بخدمة بسيطة داخل المنزل، موضحة بطريقة فكاهية طريقة التحنيط باستخدام الشاش والملح والخل والليمون مع القليل من الزعفران والجبس، مؤكدة أن ذلك سيمنح "الآثار" لونًا رماديًا جميلاً يشبه لون المومياوات الفرعونية.
وتابعت مازحة: "لبسيه فنلته البيضا اللي بيحبها وخليه يتحنط بيها، وقعديه على كرسي في نص الصالون علشان رجله متوجعوش السنين الجاية طويلة".
ولم تتوقف ياسمين عند هذا الحد، بل واصلت حديثها بروح الدعابة قائلة: "جارتك كليوباترا هتقول عليكي إيه لو محنطهوش؟ هتآكل وشك"، مطالبة السيدات بعدم نسيان "تكميت بوق الزوج" بقطعة شاش ممزوجة بالليمون والخل، قائلة: "دي حاجات بسيطة ومش مكلفة، بس بعد 100 سنة هيدفعولك فلوس علشان يتفرجوا عليه، ويكون دخل ليكي وللولاد".
وفي تعليقها الساخر، تابعت ياسمين عز: "هو يعني أحمس وبطليموس أحسن من جوزك في إيه؟ ده اتجوز كليوباترا، وجوزك اتجوز كيلوبامية، هي مش بالوزن يا مدام، هي بالتقدير"، مضيفة أن الزوج المتحنط سيكون "بركة البيت" ويمكن وضعه "في نص الصالون زي الفازة" لعرضه أمام الضيوف مقابل "هدايا أو فلوس".