ميدو عادل: أنا زملكاوي مش متعصب.. ونفسي نسيب محمد صلاح في حاله
كشف الفنان ميدو عادل عن توجهه الكروي، حيث أكد أنه يشجع نادي الزمالك أبا عن جد.
وخلال السطور التالية ينقل لكم موقع "وشوشة" أبرز تصريحاته خلال استضافته في بودكاست "فايق ورايق" مع الإعلامي إبراهيم فايق، والمذاع عبر موقع التواصل الاجتماعي "يوتيوب".
أكد الفنان ميدو عادل أنه يشجع نادي الزمالك.
وقال:"أنا بشجع نادي الزمالك أنا وأبويا، بس مش متعصب، كمان بشجع الأهلي لما بيلعب في بطولة خارج مصر، يعني مثلاً البطولة تروح للأهلي ولا لفريق تاني مش مصري؟ أكيد طبعاً هختار الأهلي."
وفي إطار حديثه عن التعصب الكروي أكد الفنان ميدو عادل: "أنا زملكاوي بس لما الزمالك يلعب وحش بفرح لما يتغلب"
وأضاف قائلاً:"على فكرة، لما الزمالك يكون بيلعب وحش ويتغلب، بفرح لأنه يستحق، هو لعب وحش."
وأكد أنه يكره سؤال "أنت زملكاوي ولا أهلاوي؟"، موضحاً:"أنا زملكاوي لأن أبويا زملكاوي، بس مثلاً واحد تاني بيشجع أسوان، هو حر يشجع أسوان أو حتى غزل المحلة، كل واحد حر يشجع النادي اللي بيحبه."
لمشاهدة الفيديو أضغط هنا
انتقاده للمقارنة بين الكرة المصرية والعالمية
واختتم الفنان ميدو عادل حديثه قائلاً:"بتضايق كمان لما نتقارن ببره مصر، إحنا أصلاً المستوى عندنا في الكورة مش زي بره، ولا عندنا نفس الوعي اللي موجود هناك، ولا أي حاجة من اللي عندهم."
وأضاف:"علشان كده بقول نفسي نقعد سنتين ما نجيبش سيرة محمد صلاح في الإعلام المصري يا جماعة، سيبوه في حاله، خلينا نفرح بيه ونخليه يشتغل أكتر بره، إحنا عايزين نفرح بنجاحه لأنه قدوة حقيقية."
وقد كشف الفنان ميدو عادل عن أكبر مخاوفه خلال حديثه مع الإعلامي إبراهيم فايق قائلاً: "أكتر حاجة بتخوفني في الحياة هي الموت، بس مش بخاف أنا أموت، لا خالص بالعكس، أنا بخاف من الموت على حد من الناس القريبين مني وبحبهم…أنا لما أموت مش هحس بحاجة، هكون في عالم تاني عادي، لكن حقيقي بترعب من فراق حد عزيز عليا، أنا حتى مش بقدر أفكر في اللحظة."