ياسمين عز: اعملي تراميسو لجوزك بدل اللانش بوكس
أعادت الإعلامية ياسمين عز إشعال الجدل عبر مواقع التواصل الاجتماعي، بعد تصريحاتها الأخيرة، حيث وجهت رسائل مباشرة للزوجات، داعية إياهن إلى منح أزواجهن نفس القدر من الرعاية والاهتمام الذي يحصل عليه الأبناء، بل واعتبرت أن الزوج يستحق أولوية أكبر.
"جوزك أولى من لانش بوكس العيال"
خاطبت عز خلال برنامجها "كلام الناس" المذاع على قناة MBC مصر، النساء قائلة:"النهارده إجازة، لا في مدارس ولا شغل، يعني عندك وقت.. قومي اعملي لجوزك تراميسو زي ما بتطلعي كل يوم لانش بوكس قد الحلة لأولادك، جوزك كمان محتاج نفس الاهتمام هو مش أولى؟"
وأضافت: "جوزك نزل يصلي الصبح وجلابيته مكويّة؟ ولا سايباه يخرج بيها متكوتشة؟ عيب! الراجل ده متجوز عشان يلاقي اهتمامك ورعايتك. ليه كل الحنية بتديها لولادك وتنسي جوزك؟".
"الأبناء مش أحق من الزوج"
وتابعت عز هجومها على بعض الزوجات اللواتي يبالغن في الاهتمام بالأبناء:"إنتي بتدي لابنك نص فرخة كاملة، وجوزك يا عيني مش لاقي حتى سندوتش جبنة بخيار هل ابنك ده صنايعي في ورشة عشان ياخد كل الأكل، وجوزك اللي شايل مسؤولية البيت ما يستحقش؟!"
واعتبرت أن المساواة بين الأبناء والزوج مطلوبة، مضيفة: "اللانش بوكس اللي بتعمليه لابنك مش لانش بوكس.. ده وليمة كاملة! طب ما تفكريش مرة تعملي لزوجك صندوق أكل زي اللي بتعمليه لعيالك؟ الراجل مش أقل، بالعكس هو الأساس."
"التراميسو رسالة حب"
ورأت عز أن إعداد حلوى بسيطة مثل "التراميسو" قد تكون وسيلة تعبير عن التقدير والاهتمام:"مش مهم قيمة الحاجة، المهم إنك تفكري فيه اعملي تراميسو أو أي حاجة بيحبها الراجل مش طالب غير إنه يحس إنك مهتمة بيه، زي ما بتركزي مع عيالك. هو اللي بيشقى وبيتحمل، ولازم يلاقي مقابل."
وفي وقت سابق، سخرت الإعلامية ياسمين عز، من بعض الأمور التي تقوم بها الزوجة، أثناء إعداد الحلويات الشرقية وعلاقتها بزوجها.
وأضافت عز: "قومي اعملي لجوزك ليالي لبنان بسرعة ، طلعي الرز واللبن والقشطةمن الثلاجة ، مش لاقية قشطة؟ خدي حتة من جوزك وحطي على الوش فسدق".