كريم العدل يرد على فكرة الغرامة: جبت ممثل موهوب تدفعوني مليون
أكد المخرج كريم العدل أنه لا يعارض دخول "التيكتوكرز" أو المشاهير من منصات التواصل الاجتماعي إلى مجال التمثيل، طالما يمتلكون الموهبة اللازمة.
وقال في تصريحات لقناة "العربية": "من الآخر، اللي بيعرف يمثل هو اللي هيمثل، أنا يهمني الموهبة، مش شهرة الشخص أو خلفيته".
وأضاف: "معظم النجوم اللي في الساحة حاليا مش خريجين معهد فنون مسرحية، لكن عندهم قبول وموهبة حقيقية، وده الأساس في التمثيل".
وتابع العدل مؤكدًا: "الممثل اللي ما بيعرفش يمثل، هيقعد في البيت لوحده، الجمهور مش هيتقبله".
وعن فرض غرامات على المخرجين في حال استعانوا بمشاهير "السوشيال ميديا"، قال العدل: "ده شيء غريب جدًا أنا كمخرج بعمل أوديشن، لو عجبني حد واخترته للدور، وبعدين اكتشفت إنه بلوجر، هعرف منين؟ أنا ما يهمنيش تاريخه، يهمني قدرته على التمثيل".
واختتم قائلا: "افرض البلوجر ده طلع ممثل موهوب، هدفع مليون جنيه غرامة لأني جبتلكم ممثل شاطر، ده مش منطق، لكن لو مخرج يختار على أساس الشهرة فقط، دون موهبة، فأنا أتفق مع منطق الدكتور أشرف زكي".