مصطفى كامل: "مش متكبر.. بس النجاح خلاني أعيش في حالي"‎

كشف الفنان مصطفى كامل، نقيب المهن الموسيقية، عن ملامح من رحلته الشخصية والمهنية، مؤكدًا أن عزلته لا تعني الغرور، بل هي نتيجة طبيعية لحبه الشديد للعمل وسعيه الدائم للنجاح، وقال : "أنا من الناس اللي واخد في حياتي جمب، اتربيت في منطقة مصر القديمة، وكنت بحلم من وأنا صغير بحياة أحسن ومستقبل ناجح، والحلم ده هو اللي خلاني أشتغل على نفسي كتير."

وأوضح كامل خلال استضافته  عبر برنامج "كلام الناس" على قناة MBC مصر، أن حياته المهنية كانت دائمًا محورها الشغل والكفاح، وأنه لا يهتم كثيرًا بالظهور أو المناسبات الاجتماعية، مضيفًا: "في ناس بتفتكر إني شايف نفسي، لكن الحقيقة إني شخص بيحب شغله، بحب أكون دايمًا في المكتب أو الاستوديو، ومبحبش أضيع وقتي في حاجات مش مفيدة." وأكد أن انشغاله المستمر لم يكن يومًا بدافع التكبر، بل هو انعكاس طبيعي لرغبته في تقديم شيء محترم وجاد.

وأشار نقيب الموسيقيين إلى أن البيئة الشعبية التي نشأ فيها منحته قوة وطموح، قائلاً: "أنا مش مكتفي، النجاح مش لحظة، ده طريق طويل، وأنا دايمًا حابب أطور نفسي وأثبت إن الإنسان البسيط يقدر يحقق نجاح حقيقي ومحترم." وتابع: "حبّي للشغل هو اللي خلاني أكون بعيد عن الصراعات، وقريب من هدفي."

وفي نهاية حديثه، وجّه مصطفى كامل رسالة مؤثرة للشباب، مؤكدًا أن الكفاح هو الطريق الحقيقي للنجاح، وقال: "مهما كانت بدايتك، الحلم والإصرار ممكن يوصّلوك، بس لازم تصبر وتتعب، لأن النجاح الحقيقي بيجي بعد مشوار طويل، وساعتها بيكون ليه طعم تاني."