محمد رضوان لـ"وشوشة": دنيا سمير غانم فنانة شاطرة وموهوبة
أعرب الفنان محمد رضوان عن سعادته الكبيرة بالمشاركة في فيلم "روكي الغلابة" بطولة الفنانة دنيا سمير غانم، مؤكدًا أن العمل يجمعه بفنانة يحبها ويحترم موهبتها.
وقال محمد رضوان تصريح خاص لـ"وشوشة":" الفيلم من بطولة الفنانة الجميلة دنيا سمير غانم، وأنا بحبها جدًا لأنها فنانة شاطرة وموهوبة، وكمان سعيد إن الفيلم من إخراج الأستاذ أحمد الجندي، اللي بعتز جدًا بالشغل معاه واشتغلنا سوا قبل كده وبتبقى دائمًا تجربة ممتعة".
وعن طبيعة دوره في الفيلم، أوضح:"أجسد شخصية كابتن منصور، وهو الشخص اللي اكتشف قدرات (روكي) وهي طفلة، وفضل يدربها على فنون القتال لحد ما بقت حارس خاص محترف، والدور فيه مشاعر وتفاصيل جميلة".
وتابع:"إن شاء الله الفيلم يكسر الدنيا، لأننا تعبنا فيه جدًا وربنا عمره ما بيضيع تعب حد، وأتمنى يعجب الجمهور ويحقق النجاح اللي يستحقه".
وعن مشاريعه الفنية القادمة، تحدث محمد رضوان:"حاليًا بصور مسلسلين؛ الأول بعنوان أنا أنت.. أنت مش أنا من إخراج الأستاذ هشام الرشيدي، والثاني اسمه أولاد الأبالسة من إخراج الأستاذ محمد أسامة، وإن شاء الله يعجبوا الناس".
وفي سياق متصل، حقق محمد رضوان نجاحًا كبيرًا من خلال مسلسل حسبة عمري الذي عرض في السباق الرمضاني، وهو من بطولة روجينا، عمرو عبد الجليل، محمد رضوان، علي الطيب، نادين ومحمود البزاوي، من تأليف محمود عزت وإخراج مي ممدوح.