رانيا فريد شوقي: محدش زي أبويا.. وعبلة كامل سرها في البساطة
علّقت الفنانة رانيا فريد شوقي على مقارنة بعض النجوم بوالدها الفنان الراحل فريد شوقي، وآخرهم الفنان محمد رمضان، مؤكدة أن الزمن تغيّر، ولا يمكن تكرار تجربة فنية بشكل مطابق، سواء في الظروف أو الإمكانيات.
وخلال مداخلة هاتفية في برنامج "تفاصيل" على قناة "صدى البلد 2"، قالت: "مينفعش حد يقارن تجربته بتجربة حد تاني، لأن الزمن مختلف، والإمكانيات كمان، زمان النجاح كان أصعب، مكنش فيه سوشيال ميديا ولا كم القنوات اللي موجود دلوقتي، دلوقتي الفنانين بيعتمدوا على الدعاية على السوشيال ميديا، لكن زمان كانت الدعاية من خلال الأفيشات والجرايد".
كما تحدثت رانيا عن تعاونها مع النجمة عبلة كامل في عدة أعمال، مثل مسلسل "سلسال الدم"، ومسرحية "غراميات عطوة"، وفيلم "حد السكين"، مشيرة إلى أنها استمتعت كثيرًا بالعمل معها، ووصفتها بأنها بسيطة ومتواضعة مع الجميع.
وكشفت رانيا عن سر نجاح أعمال عبلة كامل، قائلة: "السيناريو اللي مكتوب عبلة كانت بتحوّله بطريقتها، وبتصيغ الكلام بأسلوبها، مش بتقول نفس الحوار بالحرف، لكن بتقدمه بروحها، وده اللي بيوصل للناس".