أمل إبراهيم: فاتن حمامة قالتلي "مش بحب حد يلبس كده معايا"
كشفت الفنانة أمل إبراهيم عن سبب زعلها من الفنانة الراحلة فاتن حمامة أثناء مشاركتها في مسلسل “ضمير أبلة حكمت”، مشيرة إلى أن المخرجة لم تكن معجبة بها بسبب تعليق من فاتن حمامة على مظهرها وملابسها.
وقالت أمل إبراهيم، خلال لقائها ببرنامج "واحد من الناس": "مدام فاتن شافتني ونادتني، قالتلي: إنتي تعالي، قولتلها: نعم، قالتلي: مين لبسك اللبس ده؟ قولتلها: أنا. قالتلي: جايباه منين؟ قولتلها: من البيت. قالتلي: محبش حد معايا يلبس اللبس ده. قولتلها: ده الدور يا مدام فاتن، قالتلي: أيوه الدور، بس أنا فاتن حمامة، وأنا اللي بقول كل حاجة".
وأضافت أن المخرجة أيّدت كلام فاتن حمامة، قائلة لها: "أيوه، لازم نسمع كلامها".
وأشارت أمل إبراهيم إلى أن طريقة تعامل فاتن حمامة معها كانت قاسية بعض الشيء، متابعة: "قوليلي الملاحظة، بس مش لازم تفتحي الكرباج كده، قالتلي: تعالي يمين شوية، روحي شمال شوية، وأنا حاضر، رجعت قالتلي: ارجعي تاني عند المكان اللي بدأتي منه، قولتلها: كم سم؟، قالتلي: 2 أو 4 سم، قولتلها: طب هاتي المسطرة، قالتلي: إنتي بتتريقي؟ قولتلها: لا سمح الله، أنا جاية أشتغل".
واختتمت حديثها بتعبيرها عن إحباطها من التجربة: "قولت لنفسي يا بت مالكيش نصيب في الدور، وصورت مشهد واحد، وذاعوه، طب إذا أنا مش عاجباكي ومش مؤمنة بيا، ذعتيه ليه؟".