صبا مبارك: أول ما بسمع صوت شيرين بدمع.. أسطورة حقيقية وربنا يقوّيها

علقت الفنانة صبا مبارك، على الأزمة التي تعرضت لها الفنانة شيرين عبد الوهاب مؤخرًا، حيث أعربت عن تقديرها الكبير لشيرين، ورفضت الخوض في تفاصيل الواقعة نظرًا لعدم حضورها الحفل، مؤكدة في الوقت ذاته أن شيرين تظل واحدة من أهم الأصوات في الوطن العربي.

وقالت صبا مبارك، خلال حوارها مع ETبالعربي: "أنا محضرتش الحفلة، فمش هقدر أفتي أو أقول رأيي في اللي حصل تحديدًا، لكن اللي أقدر أقوله من قلبي إن شيرين عبد الوهاب أسطورة، وهي صوت مهم ومميز جدًا، ومافيش زيها."

وتابعت حديثها قائلة: "أنا أول ما بسمع صوتها بدمع، وبحبها كتير من زمان، وده مش بس لأن صوتها حلو، لكن لأنها حقيقية ومليانة إحساس."

وأضافت صبا أن ما حدث مع شيرين قد يكون نتيجة ظرف صحي أو نفسي طارئ، قائلة: "يمكن وقتها كانت بتمر بظرف، ويمكن تكون كانت مريضة، وده وارد جدًا بيحصل لأي حد، وأوقات الفنان بيكون عنده التزام أو حفلة بيضطر يكملها رغم كل حاجة، علشان الناس واللي مستنيين يشوفوه."

وإختتمت صبا مبارك حديثها برسالة دعم للفنانة شيرين، قائلة: "أنا بدعيلها من قلبي إن ربنا يقويها ويديها الصحة، وترجع أقوى وأحلى من الأول، هي فنانة كبيرة ووراها جمهور وحش وكبير بيحبها ومش ممكن يتخلى عنها.