منى إش إش: مصلحة ولادي كانت هي الأهم

كشفت الفنانة منى إش إش عن سبب ابتعادها عن الفن خلال السنوات الماضية، مؤكدة أن قرارها جاء بدافع الأمومة وتفرغها لتربية أبنائها.

وقالت منى خلال استضافتها عبر برنامج "الستات" المذاع عبر قناة "النهار": “الست لما بتقرر إن الأولوية في حياتها للحب والأسرة، بتكون على صواب جدًا، لأن اللحظة التي تختار فيها تكون أم لازم تكون على قدر المسؤولية، ولازم كل حد قرر إنه يجيب ولاد وهما نعمة من عند ربنا، يحافظ عليهم، وده المنهج بتاعي”.

وأضافت: “أنا جبت أحمد وماهيتاب، فكان لازم أتفرغ لهم، وكان وقتها نجمنا صاعد جدًا، وكان فيه دويتو بيني وبين ماجد المصري، ولما اتجوزت مكنتش عايزة أحرم نفسي من الخلفة، فابتعدت عن الفن وتفرغت لتربية أبنائي، لأن مصلحتهم كانت الأهم”.

وتابعت: “أنا حرمت نفسي من كل حاجة، ومحدش طلب مني ده، كان ممكن أنزل حفلاتي وأشتغل في التمثيل، لكن كانت أولوياتي أولادي، وأنا مش ندمانة خالص”.