سمية الخشاب: شيرين نعمة من ربنا وصوتها مش هيتكرر
أعربت الفنانة سمية الخشاب عن حبها الكبير للفنانة شيرين عبد الوهاب، مؤكدة أنها واحدة من أعظم الأصوات في الوطن العربي، وأن إحساسها لا يُمكن أن يتكرر، وقالت : "أنا بحب شيرين جدًا، وبعتبرها صوت مصر الأول، وملايين بيعشقوها في كل العالم".
وأكدت الخشاب خلال استضافتها عبر برنامج " الفصول الأربعة" المذاع عبر قناة الجديد، أن شيرين تمتلك موهبة فريدة هي "نعمة من عند ربنا"، داعية إياها للتركيز في الغناء والابتعاد عن أي ضغوط أو مشاكل، قائلة: "كل الناس بتمر بظروف، وبتتجوز وبتطلق، لكن دي مش نهاية العالم لازم تنسى المشاكل وتبدأ من جديد".
وتابعت أنها تستمتع بصوت شيرين وأغانيها، وتنتظر دائمًا أعمالها الجديدة، قائلة: "كل مرة بتنزل أغنية أحلى من اللي قبلها إحساسها بيخلينا نحس ونعيش، وهي فعلاً نجمة استثنائية".
ووجهت سمية الخشاب رسالة دعم لشيرين، قائلة: "ربنا يخليلها بناتها، وتقدر النعمة اللي معاها، وتستمر في النجاح اللي متعودة عليه شيرين بتسعدنا وبتلمس قلوبنا، واحنا بنحبها جدًا".