سمية الخشاب: "لو كنت لسه متجوزة أحمد سعد مكنتش هقبل يلبس حلق"
علّقت الفنانة سمية الخشاب على انتشار بعض المظاهر التي تراها لا تتماشى مع قيم المجتمع الشرقي، وعلى رأسها ارتداء الرجال للحلق، قائلة: "إحنا مجتمع شرقي.. ومينفعش الراجل فيه يلبس حلق الرجولة ليها شكل وهيبة معينة، ومش أي موضة تمشي علينا".
وأضافت الخشاب خلال استضافتها عبر برنامج "الفصول الأربعة" المذاع عبر قناة الجديد : "لو كنت لسه متجوزة أحمد سعد، مكنتش هوافق إنه يلبس حلق.. مش علشان رفض شخصي، لكن علشان ده مش من ثقافتنا، وأنا بحترم البيئة اللي طالعين منها والناس اللي بتتفرج علينا".
وتساءلت سمية عن التناقض في العادات، قائلة: "ليه وإحنا صغيرين البنات بنخرم ودنهم من بدري، والولاد لأ؟ لأن ده ببساطة مش من ثقافتنا الشرقية.. فليه فجأة نقبل ده لما يكبروا؟".
واختتمت كلامها بالتأكيد على إن مشكلتها ليست مع الموضة، لكن مع "كسر الهوية"، مضيفة: "أنا بحب التجديد والستايل، بس في حدود تحافظ على شكل الرجولة ومكانة الراجل في مجتمعاتنا العربية".