"أنا عايش ومش عايش".. تامر أمين ينفجر غضبًا بعد تعادل الأهلي

انفجر الإعلامي تامر أمين انفعالًا  بعد التعادل المفاجئ للنادي الأهلي أمام فريق إنتر ميامي الأميركي في افتتاح بطولة كأس العالم للأندية، مؤكدًا أن ما حدث في الـ90 دقيقة لا يمكن وصفه إلا بكلمة واحدة: "شوفت العجب".

بدأ تامر أمين خلال برنامجه " آخر النهار" المذاع عبر قناة النهار، حديثه بانفعال واضح قائلاً: "أنا في حالة نفسية غريبة! عبدالحليم قالها زمان: زعلان عاوز أبكي، وفرحان عاوز أضحك.. وعمرو دياب قالها : أنا عايش ومش عايش"، موضحًا أن الأهلي قدّم في الشوط الأول عرضًا كرويًا ساحرًا لا يُصدّق، لكن سوء الحظ حول هذا السحر إلى عذاب.

وأضاف أمين بحدة: "إحنا لعبنا شوط أول حلو اوي! انفردات، فرص، إبداع كروي حقيقي، بس في الآخر ولا جون! عندنا 500 فرصة ضايعة وضربة جزاء راحت مع الهوا، أنا مش قادر ألوم حد غير تريزيجيه على ضياعها، لأن غير كده كله كان ممتاز".

لكن السخرية السوداء ظهرت في الشوط الثاني،حين قال: "الدنيا اتشقلبت، الأهلي قدم أسوأ شوط ممكن، وكأن الفريق التاني اتلبس اتبدل، فجأة إنتر ميامي رجع، والأهلي اختفى، والشناوي هو الوحيد اللي فضّل واقف قدام الإعصار الأمريكي".

وفي نهاية حديثه، أطلق تامر أمين جملته القاتلة: "إحنا كمشجعين مش عارفين نفرح ولا نعيط! فرحانين بأداء الشوط الأول، ومقهورين من ضياع الفوز، والتعادل ده طعمه مُر الأهلي خلانا نعيش مباراة على حافة الجنون... بجد شوفت العجب!".