"عنده عزة نفس ولا يمكن يقول كدا".. تامر عبدالمنعم يعلق على أزمة أحمد آدم

دافع الفنان تامر عبد المنعم عن الفنان احمد آدم وذلك بعدما نسب إليه تصريحات عبر مواقع التواصل الاجتماعي بأنه يعاني من قلة فرص عمل مشيرا إلى أن هذا التصريح مفبرك، من خلال منشورا عبر حسابه الشخصي على موقع "فيسبوك ".

كتب تامر عبد المنعم:' قرأت مؤخرا ما يكتب عن النجم أحمد آدم  والحقيقة استغربت جدا  لأني واحد من المقربين جدا منه واتشرفت بالشغل معاه لسنوات سواء في السينما او في المسرح  وشوفت بعيني نجاحه وشفت بعيني أسلوبه في التعامل مع الصغير قبل الكبير واعرف مدى ثقافة أحمد آدم، وبُعد نظره وقراءته للأحداث وتوقعاته اللي علي فكرة كلها تقريبا ثابت من ٢٠١١ لحد انهاردة ".

أضاف:' أحمد آدم يا سادة لمن لا يعرفه كرامته عزيزة أوي واعتزازه وتصديقه في نفسه وموهبته مالهمش حدود وعشان كده أنا علي يقين انه لا يمكن يصرح التصريح المتداول بتاع مش لاقي شغل لكن صدقت علي طول تصريحه بتاع أنا احمد ادم برضه  أنا شخصيا بقالي ٣ سنين بتحايل عليه ينزل مسرح وهو رافض سواء خاص او عام او في الخليج، أنا شخصيا عرضت عليه مرة واتنين انتج له مسلسل وهو همه كله الورق ".

تابع قائلا :' النجوم الكبار اصحاب التاريخ عيب نسيئ ليهم كده ونفتري عليهم عشان نشوه صورتهم لمجرد ان كان ليهم مواقف إيجابية  مع الدولة ومؤسساتها الوطنية احمد ادم مش هيحط عيل في دماغه سنة 2007 عشان قال افيه باختصار ان اللي اللي عاوز يطلع كارد ادم الكوميدي كان يقول قصاده افيه !! وبعدين الباشا اللي يستدعي أنه دعا علي ادم في 2007 وكان وقتها ممثل مغمور يجي 2025 يشمت في آدم وهو بقي مؤلف مغمور برضه دي أكيد الدعوة ضربت في وشه  !! صديقي وأخي الغالي أحمد آدم  لا تلتفت للهيافات واستمر وياريت  توافق  نعمل مسرح بقي ".