أحمد رزق: تحمست لـ"المشروع X" من أول لحظة.. وعودتي للكوميديا كانت ضرورية
حرص الفنان أحمد رزق على حضور العرض الخاص لفيلم "المشروع X"، الذي أقيم مساء أمس في دار الأوبرا المصرية، بحضور نخبة من النجوم وصناع العمل، وسط أجواء احتفالية واهتمام كبير من وسائل الإعلام.
وأعرب رزق عن سعادته بحضور العرض، مؤكداً أنه شعر بحماس كبير لمشاهدة الفيلم منذ تلقيه دعوة الحضور، وقال في تصريح صحفي: "أول إحساس جالي هو إني عايز أشوف الفيلم، وفرحت جدًا لما جاتلي الدعوة وقلت لازم أجي.. واضح من البداية إنه هيكون حاجة حلوة، وكل الفريق اللي شغال فيه غني عن التعريف".
كما تطرق رزق خلال تصريحاته إلى مشاركته في مسلسل "سيد الناس" مع الفنان عمرو سعد، والذي عرض خلال موسم دراما رمضان 2025، مؤكداً أن الشخصية التي قدمها كانت مميزة ومختلفة عن أدواره السابقة.
وأضاف: "كل حاجة كانت بتوفيق ربنا، ويمكن عشان الشخصية كانت مختلفة، فظهرت بشكل أوضح وأنا كمان بقالي فترة ما عملتش كوميديا، فكنت مبسوط جداً السنة دي إني رجعت للنوع ده من الأدوار والكوميديا كانت وحشاني، ولما اتعرض عليا الدور صدقته وحبيته، واشتغلت عليه من قلبي، والحمد لله لما الواحد بيحب حاجة بتوصل للناس".
أبطال فيلم "المشروع X"
ويضم فيلم "المشروع X" نخبة من النجوم على رأسهم كريم عبد العزيز، ياسمين صبري، إياد نصار، أحمد غزي، مريم الجندي، هنا الزاهد، ومصطفى غريب، وهو من تأليف وإخراج بيتر ميمي، بمشاركة السيناريست أحمد حسني، وإنتاج شركة سينرچي بلس للمنتج تامر مرسي.
وقد تم تصوير الفيلم في عدة دول من بينها مصر، تركيا، إيطاليا، والسلفادور، ومن المقرر طرحه رسمياً في دور العرض السينمائي يوم 21 مايو الجاري.