عمرو دياب يتصدر تريند يوتيوب بـ”مليش بديل” و”ما تقلقش” من ألبوم "ابتدينا"

تصدّرت أغنيتا “مليش بديل” و”ما تقلقش” من ألبوم “ابتدينا” للفنان عمرو دياب قائمة التريند على موقع يوتيوب، وذلك بعد أقل من 24 ساعة من طرح الألبوم.

وجاءت أغنية “مليش بديل” في المركز الثاني بقائمة التريند، بينما احتلت أغنية “ما تقلقش” المركز الثالث على نفس المنصة، ما يعكس التفاعل الكبير من جمهور عمرو دياب مع الألبوم الجديد منذ لحظة إطلاقه

أغنية "مليش بديل" :-

أغنية "مليش بديل" من كلمات تامر حسين وألحان إسلام زكي  ومن توزيع عادل حكي، و ماستر أمير محروس.

كما جاءت كلمات أغنية "مليش بديل " كالتالى:-

"ماليش بديل تاني ف حياتك، أنا ذكرياتك كلها
أنا كل غنوة وكل فرحه وكل حاجه عشِقتها
ماليش بديل تاني ف حياتك، أنا ذكرياتك كلها
أنا كل غنوة وكل فرحه وكل حاجه عشِقتها
هاتفتكرني ب الأماكن اللي روحناها سوا
هاتفتكرني إستحاله حبنا يروح ف الهوى
هاتفتكرني بالرسايل أو ب كِلمة قولتها
هاتفتكرني لو تقابل ناس معايا عرفتها
هاتفتكرني ب صورة ليك وامّا حد يخاف عليك
صعب تنسى ذكرياتي صعب أعيش عمري إلا بيك
إن كان في حاجه مِعيشانا، فكرة رِجوعنا لبعضنا
لو كبريائنا كان مانعنا، تعالى نسمع قلبنا
مش سهل يعنى نحب تاني أو نلغي فترة ف عمرنا
أنا وانت عشنا لبعض مُدة والبُعد غلطة ف حقنا
هاتفتكرني ب الأماكن اللي روحناها سوا
هاتفتكرني إستحاله حبنا يروح ف الهوى
هاتفتكرني بالرسايل أو ب كِلمة قولتها
وامّا تتعب م البدايل اللي عِشت ف وهمها
هاتفتكرني ب صورة ليك وامّا حد يخاف عليك
صعب تنسى ذكرياتي صعب أعيش عمري إلا بيك"

أغنية "ما تقلقش":-

أما أغنية "ما تقلقش" من كلمات وألحان عزيز الشافعي، وتوزيع أحمد إبراهيم. 
كما جاءت كلمات الأغنية كالتالي:- 
" لا، ما تقلقش انت أبداً 
لا، ما تشغلش انت بالك
أقلق أنا وأتعب بدالك
فكرك أنا جاي في حياتك ليه؟
جاي أنسيك أي ماضي جاي أدلع فيك وأراضي أرضى بس لو انت راضي
طبعا، أمال انت فاهم إيه؟
دي الدقيقة معاك بعمري ما تقابلناش بدري ليه ؟ 
دي الدقيقة معاك بعمري ياللي عمري ما بتداش غير وانت جنبي
ياللي عمري ما بتداش غير وانت جنبي
كل يوم يسألني قلبي
كل يوم يسألني قلبي
ما تقابلناش بدري ليه ؟
لا، ما تقلقش انت أبداً
لا، ما تشغلش انت بالك
أقلق أنا وأتعب بدالك
فكرك أنا جاي في حياتك ليه ؟
ابتسامتك أنا أشتريها بالحياة دي واللي فيها هو مين حسسني بيها ؟ 
غيرك انت وانت عارف ليه اؤمر، انت الأمر يمشي حد هنا ضايقك؟ 
هيمشي من وجودك ما تحرمشي ما انت عارف انت عندي إيه
دي الدقيقة معاك بعمري ياللي عمري ما بتداش غير وانت جنبي كل يوم يسألني قلبي ما تقابلناش بدري ليه ؟
دي الدقيقة معاك بعمري ياللي عمري ما بتداش غير وانت جنبي كل يوم يسألني قلبي ما تقابلناش بدري ليه؟
لا، ما تقلقش انت أبداً أقلق أنا وأتعب بدالك
لا، ما تشغلش انت بالك
فكرك أنا جاي في حياتك ليه؟"

ألبوم "ابتدينا" لعمرو دياب :-

يذكر ان عمرو دياب طرح ألبومه  الغنائي الجديد  لصيف 2025، الذي يحمل عنوان “ابتدينا” ، و هذا الألبوم يعد  أول تعاون له مع شركة سوني ميوزيك العالمية.

كما ألبوم" ابتدينا " لعمرو دياب يضم 15 أغنية  الذي تنوعت بين الرومانسي، الإيقاعي، والدرامي، بمشاركة مع  عدد كبير من أهم  صناع الموسيقى الوطن العربي، ومن أبرز اغاني  الالبوم:-"خطفوني"، "يالا"،"مليش بديل"، "يا بخته" ،" ما تقلقش" ،"ارجعلها" ،" ابتدينا"، 
"حبيبتي ملاك"،" هلونهم" ،"شايف قمر".