مصطفى بكري: أزمة البنزين المغشوش تهدد الشارع
حذّر الإعلامي مصطفى بكري من خطورة أزمة البنزين المغشوش التي طفت على السطح مؤخراً، بعد تلقيه شكاوى من مواطنين تضررت سياراتهم بشكل بالغ نتيجة استخدام هذا النوع من الوقود.
وقال مصطفى بكري خلال حديثه في برنامج "حقائق وأسرار" المذاع على قناة صدى البلد: "كذا حد كلمني بعدما العربية فارت وقطعت النفس، والمواسير بتاعة البنزين فرقعت، وتمن إصلاحها لا يقل عن 30 ألف جنيه. الناس راحت تشتكي، والكلام ده انتقل في الشارع وبقى حديث الناس".
وأشار إلى أن رئيس الوزراء استجاب لتلك الشكاوى، وأعلن عن تواصله مع وزير البترول، وطلب فتح تحقيق شامل لمعرفة أسباب الواقعة والمسؤولين عنها.
وأضاف: "بعيدًا عن فكرة أن المشكلة جاية من استيرادات من الخارج، الناس عايزة إجابة واضحة ومقنعة، وعايزين نعرف مين اللي عمل كده وليه. اللي حصل ده بيشير لحالة من القلق والخوف بين الناس".
وانتقد مصطفى بكري تداعيات الأزمة على صورة مصر في الداخل والخارج، قائلاً: "الكلام ده بيقدم صورة سلبية عن البلد، مع الإشاعات الكتير اللي بتنتشر اليومين دول، والفيديوهات اللي بتتصور وكأن المجتمع المصري بلا قيم، وكأن البلد بقت هيصة".
وأكد أن مؤسسات الدولة، وعلى رأسها الأجهزة الأمنية، ليست غائبة عن المشهد، مضيفًا: "رجال الأمن مش ساكتين، وشوفنا إساءات وتشكيك في مؤسسات الدولة وقيادتها وجيشها، وده مرفوض تمامًا".