حلا شيحة عن الإيمان: "نظري مش بيشوف ربنا".. ولكن!
ظهرت الفنانة حلا شيحة في مقطع فيديو جديد عبر حسابها الرسمي على تطبيق "إنستجرام"، وجهت خلاله رسالة مؤثرة دعت فيها جمهورها للتأمل والتفكر في خلق الله، مسترجعة تجربة شخصية عاشتها في طفولتها كانت سبباً في تعميق إيمانها.
وقالت شيحة في بداية حديثها: "وأنا صغيرة كنت بحب موضوع التفكر جداً، رغم إني وقتها مكنتش أعرف إن ده اسمه تفكر، لكن كنت بحب أصحى بدري جداً، والجو يكون برد، وأروح أقعد على البحر، مش في الصيف، لما المكان بيكون هادي وفاضي، كنت بتفرج على السما والبحر، وكنت بحب أتأمل فيهم، كانت لحظات هادئة وجميلة".
وتابعت: "من أكتر الحاجات اللي كنت بحب أفكر فيها ساعتها هي البحر، وده كان أول سبب خلاني أؤمن بوجود ربنا، كنت بقعد أفكر طب أنا مش شايفة ربنا، طب هو فين، هل هو موجود فعلاً وأنا ببص على البحر، كنت دايماً بشوف في آخره خط كده بيقف عنده نظرنا، وكنت بقول لنفسي أكيد في حاجة بعد الخط ده، مستحيل يكون دي نهايته".
واستكملت قائلة: "اللي حسيته وقتها كان جميل جداً، وحسيت إن دي إشارة من ربنا، قلت لنفسي أنا مش شايفة لأن أنا بشر، نظري محدود، لكن أكيد رب العالمين شايف اللي بعد كده، ومن اللحظة دي بقيت مؤمنة جداً إن ربنا موجود، حتى لو مش شايفينه.