هنا الزاهد عن انفصالها: دعيت ربنا يمسح ذكرياتي معاه.. ودلوقت مش فاكرة حاجة!‎

فتحت الفنانة هنا الزاهد قلبها للجمهور، وتحدثت عن أصعب تجربة مرت بها في حياتها، وهي تجربة الانفصال، مؤكدة أنها تخطّت هذه المرحلة العصيبة بالكامل بمفردها، قائلة: "الناس حاولوا يساعدوني بس الحقيقة محدش ساعدني غير نفسي".

وأوضحت هنا خلال استضافتها عبر برنامج "Abtalk"، أنها رغم محاولات المحيطين بها للتخفيف عنها، إلا أن كلماتهم كانت أحيانًا مؤلمة أكثر مما هي مطمئنة.

وأضافت: "محدش عايز حياته تبقى كده، بس ده اللي حصل، وأنا اللي قررت أبقى كويسة، وفعلاً بدأت أقول لنفسي: أنا عايزة أتخطى ده".

اللافت في حديثها كان وصفها لقدرتها العجيبة على النسيان، حيث قالت: "دعيت ربنا يشيل كل الذكريات حتى الحلوة، وفعلاً، كأن ذاكرتي اتمسحت!".

وأكدت أن الله استجاب لدعائها، ومكنها من نسيان كل تفاصيل العلاقة، حتى باتت تشك أحيانًا أنها مرت بها أصلًا: "أنا مش فاكرة حاجة... خمس سنين اتمسحوا!".

واختتمت هنا الزاهد حديثها بجملة عفوية مؤثرة أسرت قلوب المتابعين: "ربنا ده جميل أوي، شال من قلبي ومن دماغي كل حاجة، وخلاني أعرف أبدأ من جديد".