ياسمين عز: متطلبيش من جوزك مكسرات.. عشان عينه أحلى من عين الجمل!

وجّهت الإعلامية ياسمين عز رسالة خاصة للزوجات بمناسبة عيد الفطر، حيث دعت النساء بعدم مطالبة أزواجهن بأي هدايا أو متطلبات مادية خلال العيد، مؤكدة أن الزوج هو العيد الحقيقي في حياة زوجته.

وقالت عز خلال برنامجها "كلام الناس" المذاع عبر قناة MBC مصر، بأسلوبها المعروف: "ما تطلبيش من جوزك حاجة في العيد.. هو العيد والعيدية.. هو الكحك والبسكوت بالعجمية، ولو بتحبي المكسرات، عينه أحلى من عين الجمل"، مشددة على أن الزوج هو مصدر السعادة والبهجة في البيت، وأن مجرد وجوده يكفي.

وتابعت قائلة: "كل عيد وهو قاعد على قلبك هو وعيالك السلاحف، هو العيد والعيدية هو البسكوت اللي محشي عجمية، هو حبيبك الوحيد اللي بيخلي قلبك سعيد، متقوللهوش نفسي في كحك أو بسكوت، لأن وجوده بيخلي الكون كله مبسوط".

وأضافت: "بصي في وش جوزك هتشبعي منه، وبصي في الحتة المدورة اللي في وش جوزك، هتلاقيها شبه الكحكة بسكر، جوزك كل ما تدلعيه يحبك أكتر، لو بتحبي الكحك بالمكسرات، في عينه أحلى من عين الجمل، هتديكي فرحة وأمل".