"حد يعرف حبيبي؟".. سهير ترفض ومفيدة تؤيد.. بين كرامة الست وكشف الكدّابين!
تحدثت الإعلامية سهير جودة عن فكرة جروب "حد يعرف حبيبي؟" وكشفت عن رفضها لفكرة الجروب، مؤكدة أن هذه التصرفات تعكس انعدام الثقة في العلاقات، وأضافت: "الكلام ده كنا بنشوفه في الأفلام والمسلسلات وبنقول ده خيال، لكن نوصل إن الست تشك في الراجل اللي مرتبطة بيه فتراقبه وتدور في موبايله وتحط صورته على جروب علشان تشوف حد يعرفه؟!".
وتابعت سهير جودة خلال برنامجها "الستات" المذاع عبر قناة النهار، قائلة: "لو مفيش ثقة من البداية، نرتبط ليه؟ العلاقة اللي فيها مراقبة مش هتكمل، وبصراحة أنا لا أدعم هذه الفكرة ولا أراها حلًا لأي مشكلة، بل بالعكس هي بتخلق مشكلات جديدة".
أما الإعلامية مفيدة شيحة، فقد عبّرت عن دعمها الكامل للجروب، وقالت: "أنا شايفة إن الجروب لذيذ وفكرته ممتازة، لأنه كشف ناس كتير، وفي رجالة بتتقدم لبنات وتقول إنها مش متجوزة، ويطلع عندهم زوجات وأطفال! الجروب ده بيحمي البنات من الكدب والخداع".
وأضافت مفيدة: "أنا بدعم الفكرة جدًا، لأن الجروب أثبت فعاليته، وفيه قصص كتير حقيقية حصلت، ومفيش مانع الستات تساعد بعض وتحذر بعض من الرجالة اللي بتخدع وتكدب".