أحمد العوضي: رامز جلال جابني في أول حلقة علشان يجيب مشاهدات
أعرب الفنان أحمد العوضي، عن رأيه في مشاركته ببرنامج "رامز إيلون مصر" مع رامز جلال، مؤكداً أن اختيار رامز له ليكون ضيف الحلقة الأولى لم يكن مفاجئًا، بل كان الهدف منه جذب أكبر عدد من المشاهدات.
وقال أحمد العوضي، خلال حديثه في برنامج "الراديو بيضحك"، المذاع على راديو 90.90: "رامز جلال في الأول والآخر هو برنامج، وهو جاب العوضي في أول حلقة ليه؟ علشان الناس كلها تتفرج عليه، ولو جاب حد تاني غيري مش هيجيب مشاهدات".
وأضاف أحمد العوضي أنه لم ينزعج من تصريحات رامز في بداية الحلقة، موضحًا: "مش هعلق على كلام رامز، لأنه جابني أول حلقة علشان الناس تتفرج عليه، وكده كده الناس بتتفرج عليه، لكن هو جاب أقوى شخص عنده في أول حلقة علشان يجيب مشاهدات".
وأشار إلى أنه يتفهم هذه التصرفات من منطلق "النجم للنجم"، قائلًا "أنا أخدت الكلام ده من النجم للنجم، والنهاردة فهد البطل أعلى من البرنامج بتاعه "رامز إيلون مصر"، وأنا مش زعلان منه وهو يكرم لأجل أخوه ".