تامر حسني يدعم هيثم سعيد بعد هجرته لأستراليا

تامر حسنى و هيثم
تامر حسنى و هيثم نبيل

أعلن الفنان هيثم سعيد عبر مقطع فيديو نشره على تطبيق "تيك توك" عن قراره بالهجرة إلى أستراليا والابتعاد عن مجال الموسيقى وأوضح أن السبب وراء هذا القرار هو فقدانه الشغف وعدم قدرته على المنافسة في ظل الظروف الحالية.


وقال هيثم في المقطع: "أنا سبت مصر أنا وأسرتي وجينا على أستراليا مصر بلدي وحببتي وهتفضل في قلبي، بس يمكن أنا فقدت شغفي في الموسيقى وحبيت أبعد شوية حاسس أن التنافس مبقاش فني بحت ودخل فيه عوامل تانية، تنافس ترندات ومين أشهر ومين أخباره متصدرة أكتر".


وأضاف هيثم: "بحيي كل فنان لسه عنده طاقة وشغف أنه يقدم لكم شغل في ظل الوضع الغريب الناس دي بتحرق أعصابها وبتبذل مجهود عشان تقدملك المنتج الفني الناس دي قوة مصر الناعمة حافظوا عليها". وتابع: "أنا لسه مش عارف هغني تاني ولا لا. عندي عدة حفلات هنا وهركز الفترة الجاية على تجارب فنية موسيقية مع ثقافات تانية، فنانين من الصين، الهند أو إنجلترا طلب إنساني لو في بيتك أو محيطك فيه فنان، ادعموهم الناس دي بتحتاج ده وعمرها ما بتنسى".


تامر حسني يوجه رسالة دعم لهيثم سعيد

وفي نفس السياق، علق الفنان تامر حسني على حديث هيثم سعيد، معبراً عن دعمه الكامل له في قراراته وقال تامر: "حبيبي هيثم، أنا أكيد أزعل لما أشوف فنان جميل زيك يصيبه اليأس بالشكل ده أنا فاهمك وحاسس بيك كويس طبعا محدش عارف داخليات الناس وأنا ممكن أبقى مش عارف إيه اللي خلاك وصلت لكده رغم إن في ناس من جيلنا كملوا وصبروا وكان عندهم شغف وإصرار على النجاح كبير".

 

وأضاف تامر: "أنت عارف أنا شوفت إيه من حروب، بس كملت واتحديت الظروف. مش عارف أقولك ليه مصممتش ولا أقولك متزعلش على اللي أنا معرفش عنه حاجة. ربنا بس العالم بيك وعالم أنت شوفت إيه وحسيت بإيه بس خليني أقولك حاجة أجمل من ده كله اتأكد من حاجة زي ما أنت متأكد إن اسمك هيثم، وأكتر كمان ربنا لما بيقفل باب، بيبقى عايزك تفهم إنه قفله عشان يوجهك تروح باب تاني أفضل مش عشان يزعلك".


كما أضاف تامر: "ما دام أنت اخترت تسافر وتجرب، مش عيب جرب، جايز تلاقي نجاح عالمي أكبر من اللي كنت بتحلم بيه. ونصيحة ليك برضو، أدرس التوزيع الموسيقي عشان تعمل مزيكتك بنفسك. جايز تبقى مؤسسة كبيرة في يوم من الأيام بتصنع مزيكا ليك ولغيرك وتقدم ناس مع شطارتك كمطرب".


وختم تامر رسالته قائلاً: "ولو حسيت بأي صعوبة، أرجع وكلنا حواليك إن شاء الله أنا جنبك وجنبك من دلوقتي لو حابب ترجع ونحط خطط جديدة للشغل وتقف تاني من جديد. أنت فنان جميل وشكل جميل ومحترم وتستحق كل خير فكر يا صاحبي وأنا بعون الله معاك".

تم نسخ الرابط