أحمد المالكي لـ "وشوشة": أدمنا الأهلي بسبب جيل أبو تريكة
تحدث الشاعر أحمد المالكي عن النادي الأهلي بعد خسارته في ماتش السوبر الإفريقي أمام الزمالك قائلًا: "الأهلي وترني الماتش الأخير وكنت عارف إننا هنخسر من أول دقيقة".
وقال "المالكي" في تصريح خاص لـ "وشوشة: "هدي الكارت الأحمر ده للأهلي علشان نرفزني في الماتش الأخير، وترني وكنت عارف إننا هنخسر من أول دقيقة، في شوية لعيبة وحاجات كده من كتر الشبع من البطولات، فالاهتمام أصبح بالخروج والشعر والسوشيال ميديا عكس لما بدأت أكبر بدأها من أيام حسام حسن، بس الجيل اللي خلانا ندمن الأهلي وعشنا معاه هو جيل أبو تريكة اللي كانوا بيجتمعوا علشان يصلوا الفجر، فاللعيبة اللي موجودة دلوقتي منرفزاني جدًا، لعيبة الزمالك الماتش ده هما نازلين بيستقتلوا في رجولة في الماتش علشان كده فازوا ويستحقوا علشان كده مضيقتش".
يذكر أن آخر أعمال أحمد المالكي أغنية "عودتني الدنيا" لشيرين عبد الوهاب والذي حقتت نجاح كبير جدًا فور طرحها وأشاد بها عدد كبير من الجمهور ونجوم الوسط الفني، وهى من ألحان تامر عاشور وتوزيع نابلسي، ومن كلماتها: عودتني الدنيا أخسر.. أخسر، وإني لما أحب حاجة قوام تسيبني أي لحظة فرح تقصر،ةطول حياتي الحزن قاعد بيراقبني
وأما جيت لحياتي قولت الفرحة جاتلي، والسعادة خلاص معايا وقربت لي.
وأيضًا أغنية "يانهار أبيض" مع تامر حسني وهى من ألحان سامر أبو طالب ومن كلماتها: عليك حلاوة ملخبطاني وكل ثانية تحلو تاني
حبيبي جنبي شكرا يا دنيا، يا راضية عني ومظبطاني، يا نهار أبيض على التوليفة، ضحكتك على القلب خفيفة، انت ماشي إزاي كده عادي، ده الأصول تمشي بتشريفة.