عبر "وشوشة".. محمد شاهين يوجه رسالة لـ شيرين عبد الوهاب بمناسبة ميلادها
حرص المطرب محمد شاهين على تهنئة المطربة شيرين عبد الوهاب بيوم ميلادها أثناء استضافة "وشوشة" له بالأمس، كما أشاد باحساسها وموهبتها.
وقال محمد شاهين في تصريح خاص لـ "وشوشة: "بحب شيرين جدًا بصراحة، صوت ميختلفش عليه اتنين، يعني شيرين بصراحة إحساسها عبقري، بالنسبة للإحساس شيرين في غناها رقم واحد في الوطن العربي".
وبمناسبة يوم ميلادها أضاف: "وبقولها كل سنة وهى طيبة، وربنا يديها العمر والصحة، وأنا نفسي تمتعنا أكتر وأكتر بأغاني وتسعدنا زي ما كانت بتسعدنا زمان".
جدير بالذكر أن آخر أعمال محمد شاهين أغنية "الحب بسعر المصنع" وهى من كلمات أحمد شكري، ألحان وليد سامي، توزيع شندي وخليل، ومن كلماتها : "الحب بسعر المصنع
قلبي اللى كان سجادة لمتها والحتة الغلابانة رمتها عشرتكوا وحبكوا فترة عقوبة وقضيتها
رخاص رخاص رخاص أعاتب ليه في ناس رخاص هذيع واخلى كله يعرف والعرض عام مش عرض خاص".
أما عن شيرين عبدالوهاب فكانت آخر أعمالها "عودتني الدنيا" الذي حققت بها نجاح كبير جدًا ، وهى من كلمات أحمد المالكي وألحان تامر عاشور، توزيع نابلسي ، ومن كلماتها: "عودتني الدنيا أخسر.. أخسر، وإن لما أحب حاجة أوام تسيبني، أي لحظة فرح تِقصر، طول حياتي الحزن قاعد بيراقبني، وأما جيت لحياتي قولت الفرحة جاتلي، والسعادة خلاص معايا وقربت لي، بس برده بعدت عني، حلمي راح كالعادة مني".