أميرة أديب: لن أعيش في جلباب أبي
كشفت الفنانة أميرة أديب عن الصعوبات التي واجهتها في بداية مشوارها الفني من خلال برنامج صاحبة السعادة للفنانة إسعاد يونس.
وقالت أميرة من خلال البرنامج: "أنا مش هضحك عليكي أنا عارفة إني جاية من عيلة فنية، ولكن أنا بشوف نفسي مسؤولة، وأنا متربية بالطريقة دي إني متكلش على حد حتي لو الحد ده أهلي، وده طبعا من الناحية المادية".
وأضافت: "في الأول أهلي كانوا معارضين دخولي المجال ده، ولكن أنا عنيدة بطبعي، وواجهت صراع مع والدتي خلال مرحلة إختياري الجامعة”.
واستكملت حديثها : "وخلال الفترة دي رفضت والدتي إني أمثل، ولما قالت مش هدفع فلوس في الحاجة دي قررت اتحمل المسؤولية بنفسي، هما كانوا عايزني أدرس هندسة رغم إني مش بفهم حاجة في الحساب، لكن أنا كنت مصممة أحقق حاجة بعيد عن أهلي، وقررت إني لا أعيش في جلباب أبي".