بعد السخرية من نقاب خطيبته.. مطرب المهرجانات المعتزل فارس حميدة: فرحنا لكن بضوابط

رد مطرب المهرجانات المعتزل فارس حميدة -صاحب أغنية مفيش صاحب بيتصاحب- على منتقدي خطبته على فتاة منتقبة.

وكتب عبر حسابه الشخصي بموقع التواصل فيسبوك: حبيت اضحك معاكم جزى الله خير من هنأ وجزى الله خير من نصح لله وجزى الله خير من انتقد غيرةً على دينه.

وأضاف: الحمد لله على إسلامنا الذي جعلنا نفرح "بضوابط" تجعل الفرحة كاملة مطمئنة وعندما نحزن نحزن بضوابط تجعل الحزن لا يؤذينا.

وتابع: هو رب لطيف ونحن عباده ﴿اللَّهُ لَطيفٌ بِعِبادِهِ﴾  والخير كل الخير في امتثال ما أمر وإجتناب ما نهى﴿فَمَنِ اتَّبَعَ هُدايَ فَلا يَضِلُّ وَلا يَشقى﴾

وسبق وسرد فارس حميدة، في منشوره حرصه على أن يكون حفل خطبته “فرح إسلامي” ولا يوجد فيه غناء أو رقص، وقال: السلام عليكم .. هحكيلكم حكاية جميلة جداً.. لما روحت اتقدمت لخطيبتي وربنا يسر وجه وقت "هنعمل اي فالشبكة وكدا" كان كل همي انا وهي منرتكبش اي مخالفة شرعية .. هي من جانب لبسها وانا من جانب الوضع اللي هيحصل خصوصاً .. "إن عائلتي وعائلتها يمكن اول مرة يحضروا حاجة اسمها فرح إسلامي.

وتابع فارس حميدة: يعني زي كتير من الاهالي عارفين إن الفرح يعني اغاني ورقص وهيصة و… وكان همي انا وهي ندعوا صحابها اللي مش محجبات حجاب شرعي وانا اجمع صحابي وقالتلي اتحايل على الشيخ علاء حامد .. علشان يقول كلمة في الفرح ( عسى إن واحدة من صحباتي تقتنع بالحجاب الشرعي ) وانا من النحية التانية ملجم صحابي "مفيش اغاني مفيش رقص هنلم الدنيا في هدوء مش هنعمل حاجة حرام واجتهدت في ذلك الحمد لله 
كل الموضوع اي ؟؟؟.

وواصل: كل الموضوع ياسيدي إن انا وهي كان نفسنا نكون مثال عملي لأهلنا وصحابنا إن الالتزام مش خنقة ولا عدم فرحة كان نفسنا نقول لأهلنا واصحابنا ( إن دا الصح ودا الطبيعي ) مش الحرام هو الصح والطبيعي. الصورة اللي نزلتها انا بقول لكل واحد انتقد وقال مينفعش "جزاك الله كل خير وانت صح".

وتابع فارس حميدة: لكن قصاد المخالفة البسيطة دي ربنا اراد من صورة نوصل رسالة لكل الشباب اقل ما فيها"حلوة التفييمة دي انا هفيهم زوجتي كدا" اقل ما فيها "ما الافراح الإسلامية عسل اهي " .. اقل ما فيها "بص قاعد بعيد عنها ازاي الله بجد" .. وغيره وغيره .. واخيراً جزاكم الله خير جميعاً وبارك فيكم جميعاً.