"بقالي 6 شهور مشتغلتش".. عارفة عبد الرسول ترد علي استغاثات الفنانين

عبرت الفنانة عارفة عبد الرسول عن رأيها في استغاثة بعض الفنانين من قلة أعمالهم الفنية وان هذا الأمر يرجع للنصيب.

وقالت الفنانة عارفة عبد الرسول عن استغاثات الفنانين الفترة الأخيرة: "ظروف المهنة وأنا بقالي 6 شهور قاعدة وكلها ارزاق".

كما أوضحت في تصريحاتها الأخيرة قائلة: "مش بشوف إن في ظلم فني، لأن دي كلها أرزاق من عند ربنا، أنا بقالي 6 شهور مبشتغلش ولكن دي ظروف المهنة ساعات الناس بتكون فاكرة أن الفنان عنده شغل دايما وأوقات بيكون العكس، واتعرض عليا أمثل بره مصر ولكن لسه بقرأ الورق".

وتحدثت الفنانة عارفة عبد الرسول عن سبب ابتعادها الفترة الأخيرة قائلة: "ممكن مخرج يحس إني كبيرة علي دور الأم أو ساعات بيحتاروا ويشوفوا إن مينفعش دور الجدة وممكن مخرج يشتغل معايا بعد كده يرفض يشتغل معايا تاني لأسباب فنية إنه عاوز يجدد وهي أرزاق وأنا بحب اسيبها علي ربنا".
والجدير بالذكر إنه كان آخر أعمالها 
فليم "السراب" بطولة أحمد السقا، شريف منير، مصطفي فهمي، دياب، آسر ياسين، أحمد حاتم، كريم فهمي، محمد فراج، صبا مبارك، عارفة عبد الرسول، نيللي كريم، أحمد فهمي، محمود عبد المغني، إسلام جمال.

 العمل من تأليف عمر عبد الحليم، وإخراج أحمد نادر، إنتاج شركة سينرجي فليمز .