مروة صبري تهاجم والدة مسلم: "ما تكلميه في التليفون وتعاتبيه"

وجهت الإعلامية مروة صبري رسالة قاسية لـ والدة المطرب مسلم، وذلك بعدما هاجمت ابنها على وسائل التواصل الاجتماعي.

وأعربت مروة صبري خلال برنامجها "قعدة ستات"، عن استيائها الشديد من استغلال والدة مسلم لشهرة ابنها للتحدث عن أمور خاصة به، معتبرة ذلك تصرفًا غير لائق: "هل ينفع إن أنتي تطلعي تفضحي ابنك على كل المواقع هل ينفع أن إنتي تفضحي ابنك اللي هو المفروض مشهور وليه جمهور والناس تعرفه أكتر حاجة بتضايقني فكرة إني استغل شهرة بني آدم وأطلع أتكلم عنه".

وأشارت مروة صبري إلى أن تصرف والدة مسلم قد يؤثر سلبًا على علاقتها بابنها، وقد يدفع الجمهور إلى الحكم على الابن دون معرفة الحقيقة: "الكلام دا ممكن يحصل من الغريب أو من أي حد عايز ياخد التريند فيطلع يتكلم عنه مفيش مشكلة، ولكن الأم تطلع تتكلم على ابنها وتتكلم عن تفاصيل وأسرار بينها وبين ابنها دا في حالة أنها صح طيب ما تكلميه في التليفون وتعاتبيه أو تبعتيله رسالة أو ابعتيله ابنك التاني وتقوليله أمك غضبانه عليك أحسن ما كنتي تخلي سيرته على كل لسان أحسن ما كنتي تطلعي ابنك تريند بالمنظر ده".