شيرين عبدالوهاب توجه رسالة لأكثر نجمة دعمتها في أزمتها.. فمن هي؟
دائما نتذكر الأشخاص الذين وقفوا بجانبنا في أزماتنا، ودائما لا ننسى لهم مواقفهم معنا في أصعب لحظاتنا، وهذا ما فعلته النجمة شيرين عبدالوهاب، التي تذكرت أكثر الفنانات اللاتي دعموها وكانوا مصدر قوة لها في أزمتها الأخيرة ، فماذا قالت شيرين عبدالوهاب؟
"هيفاء وهبي أكتر واحدة كانت بتكلمني في أزمتي الأخيرة، وكانت بتقولي تعالي اقعدي معايا"...بهذه الكلمات أعلنت شيرين عبد الوهاب عن النجمة التي كانت داعمة لها الفترة الماضية وأرادت شيرين أن ترسل لهيفاء رسالة حب أمام الجمهور على انستجرام ووجهت لها كلمات مؤثرة.
وقالت شيرين: أنا رديت على النجمة هيفاء وهبي مش عشان باركتلي على الأغاني، النجمة هيفاء وهبي عملت معايا مواقف جدعة أقرب الناس ليا ماعملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني.
وأضافت: هيفاء أثبتت إن الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها فى الوسط الفني هيفاء بموقفها ده اشترتني طول عمري، وهفضل لحد ما أموت ممتنة ليها ولوقفتها معايا في الوقت ده.. الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى إني ليا أخت فعلا.. شكرا يا هيفا يا حبيبتي، ويا ريت يا ريت فى مصر لو في مشاكل أنا بناشد أي حد إن الست دي طيبة جدا جدا، ومتستاهلش إلا كل خير.