حالته صعبة.. رامى جمال يطرح أغنية جديدة
طرح المطرب رامي جمال أغنيته الجديدة، التي تحمل عنوان "حالته صعبة"، وعلق رامي قائلاً: "أغنية حالته صعبة دلوقتي علي يوتيوب، وعلي جميع المنصات".
وتفاعل جمهوره مع أغنيته الجديدة، وكانت جميع تعليقاتهم إيجابية، حول الأغنية، أبرزها: "مبدع كالعادة، اية الجمدان دة يا فنان، شابووه رامي".
وأغنية "حالته صعبة"، من كلمات محمد الجمال، وألحان فارس فهمي، وتوزيع، ومكس، وماستر أحمد أمين.
وجاءت كلمات الأغنية
مش هعاتبه علي اللي قاله
كلمتين بايخين وماله
زى بعضه عادى
قالهم تحت تأثير انفعال
هو قال كده لما سيبته
ع الكلام ده أنا لو حاسبته
مش هنخلص بس لازم
يعرف أني في بعده عال
خانه فعلا كبرياؤه
كان مفكرني بفراقه
هبكي وأضعف بس شافني
مش مبينله اهتمام
شافني عشت أزاي بدونه
حالته صعبة يكون في عونه
كان مصدق أني هزعل
لما يوصلني الكلام
عادي يخرج عن شعوره
ده الطبيعي عشان غروره
كلمتين واقفين في زوره
واستريح لما قالهم
قال في حقي كلام يدينه
سهل أرد عليه واهينه
بس شوفته يشوف بعينه
مش بيفرق يوم كلام
والجدير بالذكر أن رامي جمال، قد أحيا حفلاً غنائياً في مهرجان العلمين الجديدة فى نسخته الثانية، وسط حشدا جماهيري كبير من مختلف المحافظات، وتوجه رامي عبر حسابه الشخصي "فيس بوك" بالشكر لكل القائمين علي الحفل، وللشركة المتحدة للخدمات الإعلامية علي التنظيم الرائع للحفل.