دياب يكشف إمكانية دخول زوجته مجال التمثيل

حل المطرب والفنان دياب ضيف على برنامج الراديو بيضحك والمذاع على راديو 9090 وتقدمه الإعلامية فاطمة مصطفى، وتحدث خلاله عن زوجته هاجر وصفاتها وإمكانية دخولها مجال التمثيل بعدما خاضت تجربتها الأولى في التأليف من خلال فيلم عصابة عظيمة.

وقال من خلال برنامج الراديو بيضحك ، راديو 9090، هاجر كانت معروف أنها طول الوقت بتحب تقول رأيها وتنتقد وتسف على الفنانين ولكن بعد ما اتجوزتني أصبح أنه ده شيء غير مسموح بيه عشان مينفعش مراتي تغلط في زميل ليا وبردو عشان محدش يقول ده مسلطها علينا فبقت تسف عليا أنا طول الوقت.

وتابع دياب في حديثه مع فاطمة مصطفى عن زوجته هاجر: دمها خفيف وجد وصريحة وصعبة جدا في آرائها بس هي بتفهم في الحاجات دي.

وأشار دياب إلى أنه يحضر في الفترة الحالية لعمل سينمائي من كتابة زوجته هاجر وأنه فخور بتجربتها الأولى في التأليف من خلال فيلم عصابة عظيمة والذي خاضت بطولته الفنانة إسعاد يونس وهي فنانة كبيرة فكانت طريق لخروج الفيلم للنور بالطريقة التي تليق به.

وعن إمكانية دخول زوجته مجال التمثيل قال دياب مازحاً:معنديش مشكلة لو هي هتعملي أكلي تعملي أكل وتعمل اللي أي هي عايزاه بعد كدة عادي تمثل بقى تغني أي حاجة.