مريم أمين تدافع عن شيرين: "حقها علينا نستحملها.. لحد ما ترجع لنا زي زمان"
خرجت الإعلامية مريم أمين عن صمتها ودافعت عن النجمة شيرين عبد الوهاب، بعد الهجوم الكبير اللي تعرضت له عقب حفلها الأخير في ختام مهرجان موازين بالمغرب، واللي شهد انتقادات حادة بسبب أدائها الغنائي وتعاملها مع بعض المواقف على المسرح.
وقالت مريم في منشور عبر حسابها على فيسبوك : "أنا بحب شيرين، وهي بالنسبة لي حالات حلوة كتير صوتها وإحساسها… مفيش زيهم، وبرغم كل الدوشة اللي عيشناها معاها في مشاكل كتير، حقها علينا نستحملها… لحد ما بإذن الله تقف على رجليها وتمتعنا بصوتها من جديد".
وأكدت مريم إنها مقدّرة زعل بعض جمهور الحفل، لكن شددت على إن "فيه تجاوزات وكلام يوجع القلب… ويكسر أي حد بيحاول يقوم من تعبه"، مشيرة إلى إن النقد لازم يكون فيه مساحة من الرفق، خاصة مع فنانة قدمت كل مشاعرها للفن.
واختتمت رسالتها بدعوة لكل محبي شيرين، قائلة: "شيرين ياما متعتنا… وبإذن الله هتمتعنا أكتر من زمان. ياريت كل اللي بيحب شيرين يكتبلها على صفحته، إن شاء الله بس الهشتاج يوصلها، ويوصل حبنا ليها".