طارق العريان: التسويق اللي اتعمل لـ ولاد رزق مختلف

تحدث المخرج طارق العريان، عن النجاح الذي حققه فيلمه ولاد رزق 3، والذي دخل قائمة أعلى إيرادات يومية في تاريخ السينما المصرية بعد طرحه بـ5 أيام فقط في السينمات بموسم عيد الأضحى.

وقال من خلال المؤتمر الصحفي المقام حاليًا بمدينة الرياض، على هامش العرض الخاص لـ ولاد رزق 3، بالسعودية، المذاع علي قناة "ام بي سي مصر" منذ قليل، دعم هيئة الترفيه خدنا لمستوى تاني من الصناعة قدرنا نرتقي بالأكشن ونعمل أكشن مختلف مش بس بإمكانيات مادية ولكن نقدر نصور في أماكن ما ينفعش نصور فيها خدنا وقتنا لأن الأكشن محتاج تكلفة ووقت لأنه مش حاجة ممكن نرتجلها لازم دراسة وتحضير وفي الآخر ممكن ما تظبطش فترجع تعيدها تاني ودي إمكانيات مش سهلة نعملها إلا بدعم هيئة الترفيه.

وأشار إلى أن الصناعة محتاجة تسويق والتسويق اللي اتعمل لـ ولاد رزق مختلف وهو سبب من أسباب الإقبال الفظيع عليه.