انهيار أنغام من البكاء بسبب شيرين عبدالوهاب: "كفاية ظلم.. أنا مليش ذنب!"‎

في لحظة مؤثرة على الهواء مباشرة، دخلت النجمة أنغام في نوبة بكاء خلال مداخلة مع الإعلامية لميس الحديدي، وذلك بعد تصاعد الحملات ضدها على خلفية الأزمة الأخيرة التي تعرّضت لها الفنانة شيرين عبد 

الوهاب، مؤكدة أنها تتعرض لظلم كبير وهجوم غير مبرر رغم عدم علاقتها بالموضوع من الأساس.

وقالت أنغام، خلال مداخلة هاتفية في برنامج "كلمة أخيرة" المذاع على قناة ON: "كفاية كده، حرام كده، عيب وحرام! الظلم ده كتير أوي عليّا كفاية كره، وسيبوني في حالي.. محدش ليه دعوة بنوايايا، نيتي دي بيني وبين ربنا، هو اللي بيحاسبني عليها."

وأضافت: "أنا تعبت وعانيت، وكفاية حملات عليّا.. لما إعلان يطلع وحد يدافع عن شيرين أو يساندها، ده من حقه وله كل الاحترام، لكن في نفس اللحظة فيه واحدة تانية بتتشتم وملهاش علاقة بالموضوع أصلًا، وهي أنا!"

وتابعت أنغام بغضب وانفعال: "أنا بتهاجم في موقف ماليش أي علاقة بيه سيبكم من الميّص والمستشفى والكلام ده، أنا بني آدم! عندي مشاعر، عندي إحساس، ماينفعش حد يزعل عليا؟!"

وفي رسالة مباشرة لجمهورها ومتابعيها، ناشدت أنغام الجميع التوقف عن المقارنات والإساءات قائلة: "كفاية مقارنة مقرفة وعقيمة وسخيفة وبليدة! كفاية قرف! شيرين اسمها شيرين، وأنا اسمي أنغام، هي ست ليها جمهورها، وأنا ست ليا ناس بتحبني ربنا يكرمها، بس أنا مش طالبة من حد يدعيلي، بس متدعيش عليّا! أنا مش طالبة أكتر من كده.. كفاية ظلم، متظلمونيش."