والد حلا شيحة لـ"وشوشة": عاوزين يضروا بنتي بشائعات الارتباط ومبتعرفش تنزل الشارع
أثارت الفنانة حلا شيحة، حالة واسعة من الجدل في الساعات القليلة الماضية، وذلك بعد تداول صورتها مع المطرب أحمد سعد، وهما ممسكان بأيدي بعضهما.
سعد وحلا التقطا هذه الصورة أثناء حضورهما حفل زفاف الفنانة جميلة عوض والمونتير أحمد حافظ داخل القلعة؛ ما جعل الجمهور يتكهن بوجود علاقة حب جديدة تجمعهما.
الفنان التشكيلي أحمد شيحة ردّ في تصريحات خاصة لـ"وشوشة" على هذا الجدل وقال: "هما السوشيال ميديا مكبرة الموضوع ليه؟، الموضوع قلب كوميديا والله، مفيش ارتباط بين أحمد سعد وبنتي طبعًا".
وأضاف: الاتنين اتقابلوا في فرح وسلموا على بعض، ومفيش أي ارتباط بينهم، وبعدين إشمعنا أحمد سعد اللي طلعوا عليها إشاعات معاه، طيب مهي اتصورت مع ناس كتير، دي أكيد ناس بتشوه صورتها.
وتابع: الجمهور مبقاش ينضحك عليه، ليه مستقصدين حلا؟، لازم الكل يسأل نفسه، وبعدين حلا بنتي مبترودش على حد خالص ولا عارفة تخرج من البيت تنزل الشارع من شدة حب الناس ليها اللي بيتجمعوا حواليها لما يقابلوها.
واختتم: حلا بنتي فنانة كبيرة واللي عملته في السينما محدش عمله، وأعمالها كلها بنديلها تعظيم سلام، حلا حاجة تانية والجمهور المصري ذكي مبينضحكش عليه وكل اللي بيطلع عليها دي إشاعات عشان يضروها لكنها مبترودش على الحاجات دي، وأصلا موضوع الارتباط بالنسبالها صعب جدا دلوقت.